Nëse je prej atyre që kur servon drekë a darkë, apo ndonji meze interesante dhe preferon me pas’ diçka krokante e plot shije, atëherë rekomandimi dhe receta jonë e radhës asht gjaja e duhun për ty, veçanarisht nëse t’pëlqejnë perimet, ose edhe je vegjetarian/e.
Mëso qysh me i përgatitë shkopthat prej kungulleshës e mos ja ndajë s’përgatituni ato për me ja bashkangjitë cilësdo dreke, darke a meze që parapëlqen, e pse jo me i servu edhe si pjatë n’vehte. T’shijshme, t’mira e krokante nga jashtë – këta shkoptha t’shnetshëm mundesh me i përgatitë n’6 hapa fort t’thjeshtë e t’lehtë.
PËRBËRËSIT:
500 gr kungullesha (t’prera n’fije mesatarisht t’trasha)
2 ve (t’rrahuna)
1 gotë thërrmia buke / prezlle
1/4 gotë parmezan (i grirë)
1 lugë gjelle oregano
1 lugë e mesme kripë
1 lugë çaji biber i zi
2 lugë gjelle miell
HAPI 1:
Fillimisht preji kungulleshat n’rriska që ngjajnë me pomfrit.
Mundesh me e lexu edhe...
HAPI 2:
Rrehi vezët n’nji enë t’veçantë dhe shto prezllet me nji pjatë tjetër – përziji ato me parmezan, kripë, oregano dhe biber t’zi.
HAPI 3:
Vendosi n’nji pjatë kungulleshat, shto miellin sipër tyne dhe përziji ato mirë deri sa t’mbulohen me miell.
HAPI 4:
Lëshoje furrën me u nxe n’200 C e pataj vazhdo me këtë procedurë: merr fijet e kungulleshave, futi n’ve e pastaj mbuloji me prezlle.
HAPI 5:
Pasi ta kesh përsëritë t’njejëtën procedurë me t’gjitha kungulleshat, radhiti ato n’tel për pjekje, vendos poshtë telit nji tepsi me letër gatimi dhe futi n’furrë.
HAPI 6:
Pjaki kungulleshat për 20-22 minuta – deri sa prezllet t’marrin ngjyrë t’artë. Largoji prej furrës dhe servoji.
REZULTATI:
Shoqnoji kungulleshat e pjekuna me sos t’freskët domatesh, me salsan pikante meksikane, apo me sosin e famshëm grek (Tzaziki). Nëse ke qejf me eksperimentu me shije, t’rekomandojmë me i provu shkopthat edhe me BBQ sos po deshe, meqë ky kombinim asht perfekt (njilloj sikurse kombinohen edhe shkopthat prej kashkavallit).
Këta shkoptha mundesh me ua servu edhe fëmijëve, meqë ngjajnë n’pomfrit dhe janë krokante – e shumica e fëmijëve e pëlqejnë këtë teksturë n’ushqime. E meqë jemi tek kungulleshat, këtu i ke edhe 5 super-receta interesante me kungulleshë.
Kështu, pak si krejt jasht me kungulleshat, por a ke provu me i përgatitë najherë shnicllet gjermane t’pulës, brokolli-qoftet apo qoftet prej lulelakrës? Nëse jo, mos gabo me lanë pa e provu t’paktën njanën prej tyre, n’daç me pa çka asht nime ushqimi interesant, i lehtë me u përgatitë e plot shije! Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
