Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Nëse je merakli/ke i/e mishit t’kuq e n’veçanti atij t’viçit, atëherë ke ra n’artikull, meqë sot kemi vendosë me ta dediku ty nji listë t’plotë me 5 super-rekomandime që po i provove jemi t’sigurtë që ke me i lëpi gishtat. Lehtë, thjeshtë, mirë e plot shije, secili rekomandim ja vlenë me u provu – këtë ta garantojmë pa tutë.
1. SPECA T’MBUSHUN
Po e nisim me nji recetë klasike e shumë t’famshme tradicionale. Bahet fjalë për speca t’mbushun, gatesë kjo që n’kuzhinën shqiptare zë vend t’veçantë, pikërisht për faktin se asht kombinimi i duhur mes mishit e specave; dy gjana t’cilat shumica prej neve nuk mundemi me ju rezistu. Ama që don me t’dal darka fenomenale, patjetër ndjeki hapat tanë – mos ja huq!
2. TACO-SUPA MEKSIKANE
Edhepse kuzhina meksikane ka shumëçka me ofru, ne jemi mundu vazhdimisht me t’njoftu me recetat ma autentike e ma interesante meksikane e me ta lehtësu përgatitjen e tyne përmes udhëzimeve t’tona. Kësaj here po e ndajmë me ty nji recetë që me shumë gjasë nuk e ke provu n’versionin tonë, por shijen e ke t’njohun – bahet fjalë për taco-supën; supën që ta ofron ngrohtësinë e gjellës dhe shijen tipike t’taco-ve me mish t’bluar t’viçit.
Mundesh me e lexu edhe…
3. KUBËZA VIÇI ME GJALPË HUDHRE
Kubëzat e viçit me gjalpë hudhre janë pikërisht nji prej recetave ma t’thjeshta e t’lehta t’cilat munden me u përgatitë dhe me u kombinu me ushqimet e tjera t’përgatituna sikurse janë patatet me lulelakër n’tavë, apo perimet e pjekuna n’furrë. Thjeshtë, mirë dhe me pak përbërës, këto kubëza kanë me ta ndreçë secilën drekë a darkë brenda pak minutave.
- Advertisement -
4. KUNGULLESHA T’MBUSHUNA ME MISH VIÇI
N’daç me t’dal dreka ose darka fenomenale, patjetër ndjeki udhëzimet tona për përgatitjen e kungulleshave t’mbushuna me mish viçi, t’cilat njilloj sikurse edhe specat e mbushun – janë jashtëzakonisht t’shijshme, veçanarisht nëse je duke dasht’ me e mbledhë familjen për drekë a darkë, ose nëse ke ftu mysafirë pak ma special.
5. FAJITAS ME MISH VIÇI DHE PERIME
N’daç me e pasë drekën a darkën t’mbushun plot shije prej specave dhe mishit t’viçit, por edhe erëzave, peta e tortillës me pak salcë kosi e pak sos pikant asht krejt çka t’duhet për mos me u mendu dy herë e me i përvëjelë mangët për me i përgatitë fajitat me mish viçi dhe perime – zgjedhje kjo ideale për netët meksikane.
- Advertisement -
E sado që mundesh me qenë merak n’mish t’kuq, ne t’rekomandojmë me e konsumu me masë dhe përgjithësisht me ju shmangë – meqë edhe ushqimi ma i shnetshëm nuk asht. Si alternativë ta rekomandojmë përdorimin ma t’madh t’perimeve dhe kërpudhave. Megjithatë, nëse veç je ka don me konsumu mish, atëherë ta rekomandojmë me konsumu ma shumë atë t’bardhin. E recetat tona ma t’famshme t’mishit t’bardhë janë pula me pesto dhe perime, shnicllet gjermane t’pulës, qoftet e pulës, apo pula me marinadë greke. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
