Bananja asht nji prej frutave ma t’ngranshme e që njihet për përfitimet shëndetësore dhe vlerat ushqyese. Pra, jo kot shumica e njerëzve t’shnetshëm pjesë t’dietës t’tyre e kanë edhe konsumimin e bananes n’forma t’ndryshme, perfshire si frut, si pjesë e smoothie-ve dhe sallatave t’frutave, kombinimeve t’ndryshme me tërrshanë dhe jogurt etj.
Kremoziteti dhe konsistenca e bananes e komplementojnë secilën pjatë a shujtë. Kjo vlenë veçanarisht për recetat e smoothie-ve, meqë bananja si frut shkon e kombinohet lehtësisht jo vetëm me frutat, por edhe me shumë prej perimeve dhe barishteve t’ndryshme, duke ua përhumbë kështu shijen. Andaj kësaj here t’i kemi përzgjedhë 6 kombinimet ma interesante t’smoothie-ve me banane – me shpresën që ke me i provu e me i futë n’menynë tande.
1. SMOOTHIE ME HURMA DHE BANANE
Smoothie me hurma dhe banana asht smoothie që t’nevojitet për me fillu ditën me mjaftushëm vlera ushqyese (deri sa t’vjen koha e drekes), por edhe me u ambëlse. Krejt çka t’duhet janë 1 minut kohë dhe pak përbërës.
Mundesh me e lexu edhe…
2. SMOOTHIE ME BORONICA, SPINAQ DHE BANANE
Smoothie me boronica, spinaq dhe banane asht nji prej kombinimeve ma premtuese, pikërisht sepse përmbanë kalori e yndyrë t’shëndetshme, proteina, natrium, kalium, hekur, kalcium, vitaminë A dhe C. me i ra shkurt – asht nji bombë plot vlera ushqyse, por edhe shijon. E ma e mira asht, që për 1 minut e ke gati.
3. SMOOTHIE ME KARROTË DHE BANANE
Smoothie me karrotë dhe banane asht nji prej kombinimeve ma t’lehta e ma t’mira për smoothie, sepse krejt çka t’nevojitet janë 2 minuta dhe 3 përbërës. Plus, kjo recetë asht tanësisht vegane e i përshtatet edhe atyre që kanë intolerancë ndaj laktozës dhe nuk përdorin qumësht.
4. SMOOTHIE ME GJALPË KIKIRIKU DHE BANANE
Smoothie me gjalpë kikiriku dhe banane asht nji prej smoothie-ve me shijen ma kremoze t’cilën mundesh me e përgatitë. As nuk ka ndonji filozofi, e as nuk lypë shumë përbërës, por e ke n’dakik gati.
5. SMOOTHIE ME DREDHËZA DHE BANANE
Smoothie ma klasik, por i shijshëm e fantastik vazhdon e mbatet smoothie me dredhëza e banane. Edhe nuk të duhen ma shumë se 3 përbërës, 1 blender edhe 1 minut.
6. SMOOTHIE PROTEINIK ME BANANE
Smoothie proteinik me banane asht nji alternativë e shnetshme dhe efektive për me marrë ma shumë proteina n’mënyrë natyrale, pa pasë nevojë me përdorë pluhun proteinik artificial. E këtë kombinim mundesh me ja ba gati sikurse vehtës, ashtu edhe fëmijëve për shkollë pa u tutë që nuk po e pijnë, sepse, kremoziteti dhe ambëlsia e këtij smoothie-t nime t’len pa fjalë.
T’gjitha këto receta mundesh me i përgatitë qoftë për mëngjes, për pauzë, me i konsumu para ose pas ushtrimeve , apo edhe me i pi për qejf. Ato poashtu munden me u rujtë t’freskëta n’frigorifer për 2 ditë rresht – kështu që mundesh me përgatitë edhe sasi pak ma shumë, nëse e din që e pin brenda kësaj periudhe kohore.
E meqë jemi tek recetat me banane, ti mundesh me i përgatitë edhe quesedilla-t me banane dhe gjalpë kikirike, receta e t’cilave asht ba bajagi virale nëpër bllogjet e nutricistëve dhe influencerëve t’kuzhinës e fitnesit. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
