Kur vjen puna te mëngjeset plot shije, vezët nuk kanë se qysh me mungu n’rekomandimet tona. N’daç n’sy, n’daç omlet, e n’daç t’zime – ato janë nji ndër ushqimet ma t’përshtatshme e ma ushqyese t’cilat i kemi n’dispozicion për me e startu ditën mirë.
Ti mundesh me e nisë ditën me ve t’rrehuna mirë e t’fryta n’nji omlet t’shijshëm e ngopës, por edhe pak ma ndryshe se omletët e zakonshëm. Mjafton me i pasë 10 mintuta kohë, pak vullnet e pak harxh që me e përgatitë n’3 hapa recetën e radhës.
PËRBËRËSIT:
3 ve
2 lugë gjelle gjalpë
50 gr kashkavall (i grirë)
Kripë dhe biber (opsionale)
1/4 avokado (e prerë n’kube)
Mundesh me e lexu edhe…
HAPI 1:
Ndaji të bardhat e vezëve prej të verdhave n’enë t’ndara. Me pak kripë rrehi me mikser t’bardhat e vezës deri sa t’shkumohen e t’bahet n’formë shllagu masa. Kurse me piru, rrehi t’verdhat e vezës si zakonisht, natyrisht me pak kripë e biber.
HAPI 2:
Bashko gradualisht t’bardhën me t’verdhën e vezëve, por kujdesu mos me e përzi shumë masën, meqë fillon me u prishë shkuma. Nxeje tiganin e shto gjalpin, shto miksin “Fluffy” sipër dhe fërgo për 5 minuta.
HAPI 3:
N’gjysmën e omletit shto kashkavallin e grirë dhe palose omletin n’gjysmë. Fërgoje për 2 minuta t’tjerë dhe servo,
REZULTATI:
Servo omletin me pak avokado sipër. Shijoje këtë “Fluffy” pjatë e mos i le ditës kurfarë opsioni tjetër, ‘pos me qenë e mirë. Mos harro me ja bashkangjitë këtij mëngjesi kampionësh edhe nji lang a smoothie. Ne ta rekomandojmë langun e freskët me mollë t’gjelbër. E për ndonji herë tjetër, mos e le pa e provu edhe omletin me perime, t’cilin poashtu n’3 hapa t’thjeshtë e ke gati. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
