Sallatë mediterane me patate – sallata që t'shkrihet n'gojë

Kur bahet fjalë për sallata, nji shumicë e njerëzve i mendojnë do gjethe t’gjelbra me pak perime sipër, vaj e uthull dhe e lidhin këtë fjalë me ushqim jo t’bollshëm dhe monoton, por, që nuk asht ashtu e kanë dëshmu 4 super-sallatat tona “ndryshe”.

Contents

Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata mediterane me patate, t’cilën n’2 hapa e ke gati, mundesh me marrë me vehte n’punë, me e kombinu me pjata tjera e madje me e servu n’cilindo vakt t’ditës, qoftë edhe si meze.PËRBËRËSIT:HAPI 1:HAPI 2:REZULTATI:

Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata mediterane me patate, t’cilën n’2 hapa e ke gati, mundesh me marrë me vehte n’punë, me e kombinu me pjata tjera e madje me e servu n’cilindo vakt t’ditës, qoftë edhe si meze.

PËRBËRËSIT:

1.5 kg patate (t’qëruara)
1/2 tufë magdanoz
1/2 tufë qepë t’reja (t’prera imët)
1/2 tufë mente (t’prera i9mët)
1/2 qepë e kuqe (e prerë imët)
1 grusht ullinj kallamata (t’prera n’gjysmë dhe pa thelb)
2 lugë gjelle lang limoni
1 lugë çaji kripë
4 lugë gjelle vaj ullini

HAPI 1:

N’ujë me pak kripë ziji patatet për 30-35 minuta. Largoji, kulloji mirë, leji me u ftohë.

- ADVERTISEMENT -

HAPI 2:

Preji patatet n’copa mesatare dhe shto n’nji enë t’thellë. Shto përbërësit e grirë sipër, kripën, langun e limonit dhe vajin e ullinit. Përzije masën mirë dyja mirë dhe vendose sallatën e patateve n’frigorifer për t’paktën 15 minuta e pastaj servo.

REZULTATI:

SALLATË MEDITERANE ME PATATE, FOTO: FEELGOODFOODIE

Servoje sallatën mediterane t’patateve si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë. Madje, ngjashëm mundesh me e përgatitë edhe sallatën e patateve me pesto.

Meqë jemi tek sallatat “ndryshe”, mos e le pa e provu edhe pasta-sallatën kapreze, apo pasta-sallatën me spinaq – që të dy recetat nuk marrin shumë kohë, por ofrojnë shumë shije. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria