Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
N’daç me e përgatitë nji drekë a darkë plot me shije e që mundesh lehtësisht me kombinu qoftë me perime t’ndryshme apo mish, veçanarisht me shniclle pule, asht koha që ti me e provu recetën e pilafit me limon, recetë kjo e cila asht ideale për ata që pritojnë me harxhu shumë kohë n’kuzhinë, por edhe kanë qejf me gatu diçka t’thjeshtë e me pak harxh.
PËRBËRËSIT (servimi për 4):
2 gota oriz
4 lugë gjelle vaj ullini
1 qepë (e grirë imët)
1 thelb hudhër (e grirë imët)
1/2 lugë çaji kripë
1 gjethe dafine
3 gota supë perimesh (3 gota ujë + 1 e ½ kubëz vegjetariane)
Langu i 1 limoni
Rriska limoni (Opsionale)
Magdanoz i grirë (Opsionale)
HAPI 1:
N’tigan t’thellë shto vajin dhe pasi t’jetë nxe shto qepën e hudhrën e grirë e kavërdisi ato për 4-5 minuta.
Mundesh me e lexu edhe…
HAPI 2:
Fillimisht shpërlaje orizin mirë dhe kulloje e pastaj shtoje me u kavërdisë me qepë dhe hudhër për 2-3 minuta, duke e përzi masën vazhdimisht me lugë t’drunit.
HAPI 3:
Shto gjethen e dafinës, supën e krijume prej kubëzave vegjetariane, kripën dhe langun e shtrydhun t’limonit.
HAPI 4:
Zije pilafin me kapak t’tenxheres sipër për 20-22 minuta duke e përzi kohë pas kohe dhe duke e vendosë prap kapakun sipër deri t’shterron uji. Servo!
REZULTATI:
Servoje pilafin me rriska limoni e pak magdanoz t’grirë sipër për ekstra shije dhe shoqnoje me çkado që ke qejf – ne po ta rekomandojmë me e shoqnu me shniclle pule t’cilat mundesh me i përgatitë lehtësisht t’u i ndjekë 3 hapat tanë. E nëse je merakli/ke i/e peshkut, atëherë t’rekomandojmë që pilafin me e shoqnu me 1 file salmoni t’pjekun n’furrë me hudhër dhe erëza – recetë kjo t’cilën poashtu e ke gati n’2 hapa super t’thjeshtë. Ndërkaq, nëse don me i jep ekstra shije drekës a darkës tande me pilafin prej limoni, atëherë salsa me avokado dhe karkaleca nuk ban me t’mungu.
E nëse ke qejf me marrë ushqimin me vehte n’punë, atëherë kjo recetë, njilloj sikurse edhe pilafi me domate asht perfekte për me e paketu për punë me vehte. Madje, mundesh me pjekë perime n’furrë e me i kombinu me pilaf. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
