Njeri asht mirë që çdoherë me gjetë arsye me ju gëzu jetës dhe t’mirave që ajo ka me i ofru, pavarësisht sa t’m%dha apo t’vogla dijnë me qenë ato. Pra, asht mirë me gjetë arsye me festu e me i mbledhë ma t’dashtunit tanë, qofshin ata familjarë apo miq, e me nxjerrë ma t’mirën e mundshme prej nji dite a nate (pretekste për me festu mundesh me nxjerrë sa t’dush).
Pavarësisht se a ke ditëlindje, lajm suksesi qoftë n’punë, n’familje, n’dashni, festë, përvjetor t’çfarëdoshëm, apo thjeshtë ke vendos pa ndonji shkas specifik me mbledhë njerëz n’shtëpi, ne kemi disa këshilla t’vockla, por shumë t’randësishme t’cilat asht mirë me i marrë n’konsideratë kur mirëpret njerëz dhe gostitë nejë.
Kështu, kurdo që ke arsye me festu e me i mbledhë njerëzit e tu ma t’dashtun, mos e le pa ja ba pak qejfin vehtes e tjerëve edhe me mënyrën se qysh i prezanton ushqimet e gatesat e tua. Mos harro, njeri shijon fillimisht me sy, e mandej me gojë.
Kujdesi për detaje, servim e dekorim asht hap i randësishëm dhe që e ban diferencën n’raste ma speciale. Nji tryezë ku secili mundet me u vet-shërby (byfe e hapun) kish me qenë nji zgjidhje ideale dhe praktike n’rastet kur pret ma shumë se 10 persona.
Mundesh me e lexu edhe…
Besa edhe nji “stacion i pijeve” kish me ja shtu lezetin komplet nejës. E qaty kishe mujt me i pozicionu krejt pijet dhe gotat t’cilat i ke n’dispozicion. Poashtu, mos harro me u furnizu me akull, pipa, dekore për pije dhe citruse (limon, portokall, limetë), e pse jo edhe gjethe mente, fruta t’tjerë dekorativ (dredhëza, boronica, mjedrra, shega etj), apo edhe çadra e shkoptha koktejesh.
Ne t’këshillojmë me përdorë gota elegante, unike e t’formave e t’madhësive t’ndryshme, salveta, peceta e çkado që ta merr mendja që mundet me e kompletu pamjen e nji tryeze – veçanarisht nji kandi t’pijeve.
E sa i përket ushqimit dhe mezeve, asht mirë me e planifiku paraprakisht se çka po don me ofru e çka ke mundësi me përgatitë, me i ba blerjet e nexojshme dhe me e kriju nji plan se sa kohë mundet me t’marrë kohë përgatitja e ushqimeve.
T’ndarit e pak ma shumë kohe për garnir (zbukurimin e pjatave) n’mënyrë që me i prezantu gjanat bukur e n’harmoni me njana tjetrën asht hap shumë i randësishëm, sidomos nëse je ka don me i mahnitë t’tjerët me mikpritjen tande
Syno me pas’ ushqim që lehtësisht mundesh me i jep formë n’aso mënyre që edhe duket bukur, por edhe lehtësisht hahen. Ushimet e njohura si “finger food” dhe meze janë ideale për këso raste, e përveç tyre edhe rollatat e ndryshme janë nji alternativë e mirë dhe lehtë e realizushme. Kurse përpos mezeve dhe rollatave, pasta sallata asht nji prej gatesave t’cilat mundesh me i përgatitë shpejt dhe lhtë.
Që me u konsideru nji nejë e suksesshme, poashtu asht shumë e randësishme që me pasë laryshi ushqimesh dhe me pasë sasi t’bollshme për mysafirët. Kësi soji, çdokush ka mundësi me marrë çka i ka’ana dhe ka zgjedhje për kando. Nji variacion mezesh t’ftohta, por pse jo edhe t’nxehta asht nji super mundësi (me alternativa t’shumta për përgatitje dhe prezantim). E patjetër që as salcat/sosat e ndryshëm nuk ban me mungu – 4 super-sosa që shkojnë me gjithëçka t’i kemi gjetë na.
Sigurohu poashtu me pas’ mjaftueshëm thika, lugë e pirunjë, n’mënyrë që mysafirët me u shërby lehtësisht.
Mos harro me u furnizu me ni variacion pijesh, që secili me e gjetë vehten dikund; edhe ai/ajo që pin langje, edhe ai/ajo që pin verë, birrë, koktell, por edhe ata që pijnë veç langje t’gazume apo ujë etj. Madje, ti mundesh me përgatitë ndonji koktell interesant n’kushte shtëpije, sikurse asht Amaretto Sour, apo Vodka Sour e me i shashtrisë mysafirët prej s’miri.
E për fund – mos harro me u kënaqë t’u hangër edhe vet, me pak ushqim, pije, muzikë t’mirë n’sfon e super-muhabet.
Mbasi veç jemi te gjanat e mira, ti mundesh me mësu se cilat janë 5 faktet ma interesante për Vodkën – pijen e famshme ruse, apo cilat janë 4 faktet ma interesante për TEQUILA-n. Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
