N’ditë si kjo e sotshmja, ku shiu na e ban dukshëm ma t’vështirë me qenë t’motivum, produktiv dhe n’disponim t’mirë, asht tejet e randësishme me gjetë mënyra me ja ndreçë vehtës sa ma shumë që asht e mundun. E jo kot thonë se dita e mirë shihet n’mëngjes.
Ndreçja vehtës ditën me 1 prej 4 kombinimeve tona për mëngjes; kombinime këto sa t’thjeshta e t’lehta, poaq edhe t’shijshme, t’ngopshme e t’shnetshme e që edhe ni amater /e n’kuzhinë mundet me ja dal me i përgatitë.
1. Ve dhe tost avokadoje me spinaq t’skuqun
Kombinime t’tilla definitivisht munden me u konsideru mëngjese kambionësh, meqë vērtetë krejt çka ish dasht’ me e marrë prej vlerave ushqyese e ke n’pjatë. Kështu, 1 ve e fërgume, 1/2 e avokados e shtypun me pak biber e kripë sipër 2 rriskave bukë, 1 grusht spinaq i kavërdisun e pak tomatina janë krejt çka t’nevojiten për kërë sygjerim. E për ekstra shije mundesh sipër me troshitë do djathë e me ja shtu do biber me fara speci.
2. Ve t’rrahuna t’shoqnume me keksa t’njelbët, perime dhe ajkë kosi
Ky kombinim asht ideal për kando që mundohet me ju ikë brumnave (karbohidrateve) dhe bukën kryesisht e zavendëson me alternativa ma t’shnetshme sikurse janë keksat pa gluten. Mjafton me i rrahë 2 vezë e me i fërgu, me i pre do tomatina, me vendosë 1 lugë ajkë, 1/2 e avokados dhe keksat pa gluten për me e ushqy vehtën si ma s’miri.
Mundesh me e lexu edhe…
3. Keksa orizi me ve t’rrahuna dhe perime
Ngjashëm me versionin paraprak, pjata me keksa orizi asht ideale për ata që dojnë me konsumu ma pak kalori e ma shumë proteina. Kështu 2 keksa orizi, pak rriska kashkavall, 1/2 avokado, 1 domate e prerë dje 2 vezë t’rrahuna janë ma se t’mjaftueshme me t’mbajtë t’ngitë deri n’vaktin e drekës.
- Advertisement -
4. Pjatë e ftohtë me perime t’freskëta
Që nuk ka nevojë me ja kompliku vehtës sa herë t’i hapim sytë e dëshmon kombinimi jonë i radhës, e që asht tejet i lehtë me u përgatitë. Mjafton me marrë 1/2 e avokados e me pre n’rriska, 1/2 e domates poashtu dhe pak rriska kastraveci e me i ba bashk n’pjatë me 1 ve t’zier e 1 copë bukë t’lyer me krem-djathë. Ky kombinim po që nuk don filozofi, as mund e as shumë harxh, ama me t’kënaqë t’kënaqë.
T’gjitha këto kombinime janë sygjerime t’tona për alternativa t’shëndetshme mëngjesi. Mjafton që për me nisë ditën ke marrë mjaftueshëm vlera ushqyese, e edhe pak kalori e karbohidrate s’e kanë mbytë kërkand. Ti gjithashtu mundesh me i pa edhe 4 rekomandimet tona për mëngjese t’shnetshme t’ndara kohë ma parë – rekomandime këto që t’shtijnë me e praktiku teknikën “Mindful eating” e cila promovon raport t’shëndetshëm e jo toksik me ushqimin. /katror.info/
- Advertisement -
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
