Avokadoja asht nji prej frutave (por që shfrytëzohet si perime) që njihet për përfitimet shëndetësore dhe vlerat ushqyese, meqë asht frut që ofron yndyrna t’ngopshme e t’shnetshme për organizmin tonë. Pra, jo kot shumica e njerëzve t’shnetshëm pjesë t’dietës t’tyre e kanë edhe konsumimin e avokados n’forma t’ndryshme. Ndërkaq, studimet e fundit tregojnë se dredhëzat e ulin për 40% rrezikun e sëmundjeve t’zemrës; pra sa t’shijshme dhe full vitamina – kanë edhe kësi benefiti t’hatashëm. Ec e mos i kombino mandej këto 2 fruta!
Kremoziteti dhe shija unike e avokados janë 2 cilësi që e komplementojnë secilën pjatë a shujtë, dhe padiskutimisht avokadoja kombinohet mirë e lehtë me shumë ushqime t’tjera, por a ke provu me kombinu avokadon me dredhëza? Nëse jo, ne po i ndajmë udhëzimet e maposhtme me shpresën që ke me e provu super-tostin me avokado dhe dredhëza.
PËRBËRËSIT:
4 rriska bukë thekre
1 avokado e ndarë n’4 pjesë t’barabarta
100 gr dredhëza (t’prera n’rriska)
1 rriskë limoni
2 lugë gjelle uthull balsamike
50 gr djathë feta (i grimcuar)
HAPI 1:
Merr 4 rriskat e bukes e rreshki mirë. N’secilën rriskë shto 1/4 e avokados dhe me piru shtype e krijoje nji masë t’psheshët. Shtrydh pak limon n’secilin tost t’lyer.
HAPI 2:
Preji dredhëzat n’rriska e shto sipër secilit tost me avokado. Renditi rriskat e dredhëzave deri sa ta mbulojnë tostin. Spërkati sipër me pak uthull balsamike
HAPI 3:
Shto sipër secilit tost pak fjathë feta t’imtësum dhe servo.
REZULTATI:
Shijo këta tosta me nji filxhan çaj a kafe për mëngjes a ndonji drekë pak ma t’lehtë. Ose nëse don fuqishëm me nisë ditën, për ekstra energji ta rekomandojmë me e shoqnu këtë pjatë me smoothie-n me mollë dhe dredhëza, t’cilin e ke hazër n’dakik.
E meqë jemi tek avokadoja, ti mundesh me rregullu cilëndo pjatë t’tandën me avokado, duke kriju lule prej avokados; lule e cila asht ba bajagi virale nëpër bllogjet e nutricistëve dhe influencerëve t’kuzhinës e fitnesit. Besa edhe 5 super-recetat me avokado asht mirë mos me i lanë me t’ikë pa i provu, Shijo! /katror.info/
Përgatiti:
