Kushdo që asht merakli i ushqimit e kupton merakun për me e zbulu nji recetë t’re, autentike e interesante që rrallëkush e përgatitë, por që përgatitet lehtë. E ne jemi pikërisht nga ata njerëz që nuk pritojmë hiç me gjetë receta t’tilla, sidomos nëse janë t’shijshme, t’shëndetshme dhe ekonomike. Andaj, edhe kësaj radhe kemi ardhë me nji t’tillë e që i takon kuizinës franceze.
Nji prej sallatave ma t’shijshme e autentike n’kuzhinën franceze asht sallata Niçoise e cila ka tunë, bishtaja/bizele, vezë t’ziera dhe patate – sallatë kjo e lehtë me u përgatitë dhe që mundet me u servu edhe si pjatë kryesore. E qysh me e përgatitë t’tregojnë udhëzimet e maposhtme.
PËRBËRËSIT (6 persona):
12 ve t’ziera (t’prera n’mes)
1 kg patate t’njoma (tprera n’mes)
100 gr ullinj t’gjelbër
200 gr tomatina (t’prera n’mes)
200 gr bishtaja / bizele t’gjata
300 gr sallatë mikse (rukollë dhe spinaq)
1 qepë e kuqe e njomë (e prerë n’rriska t’holla)
5 rrepë (t’prera n’rriska t’hola)
2 lugë çaji mustardë Dijon / senf
4 lugç gjelle uthull vere
4 lugë gjelle vaj ullini
kripë dhe biber i zi (Opsionale)
HAPI 1:
N’nji enë vendose uthullën e verës dhe shto rriskat e holla t’qepës. Përziji mirë dhe leji me u marinu për 30 minuta, pastaj ndaji ato prej uthullës. N’enën me uthull shto vajin dhe mustardën bashk me erëzat dhe përzije masën mirë.
Mundesh me e lexu edhe…
HAPI 2:
Ziji patatet për 20 minuta, kulloji dhe preji n’mes. Ndërkaq bishtajat ziji n’ujë t’vluar për 4 minuta dhe shpërlaji me ujë t’ftohtë e pastaj kulloji ato mirë.
HAPI 3:
Ziji vezët për 10 minuta, ftohi me ujë t’akullt, qërojau lëvoret dhe preji n’mes. Pasi t’i kesh gati edhe përbërësit e tjerë dhe sallatën mikse, vendosi t’gjitha me nji pjatë t’madhe ovalle dhe shto gresingun sipër bashk me copëzat e marinume t’qepës e servo.
REZULTATI:
Servoje këtë sallatë kurdo që pret mysafir dhe ke qejf me i njoftu ata me nji pjatë dhe shije t’re. E këtë speciaitet ma s’miri asht me e shoqnu me ndonji verë t’bardhë t’ftohtë – nëse don me ja ba bash francezski, megjithatë ndjehu i/e lirë me e shërby e shoqnu me çkado që ty ta don zemra.
E mbasi veç jemi te sallatat interesante dhe unike kurdo që je n’disponim, mos e le pa e provu edhe pasta-sallatën me dredhëza, sallatën me sos tahini, panzanella-n (sallatën krokante italiane), ose sallatën me tortellini; receta këto ideale për periudhën pranverë-verë e që definitivisht kanë me t’pëlqy shumë. Shijo! /katror.info/
Përgatiti:
