Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Shnicllet e pulës janè pikërisht nji prej recetave ma t’thjeshta e t’lehta t’kuzhinës gjermane e që lehtësisht munden me u përgatitë dhe me u kombinu me ushqimet e tjera t’përgatituna. Thjeshtë, mirë dhe me pak përbërës, këti shniclle kanë me ta ndreçë secilën drekë a darkë.
PËRBËRËSIT:
1 e 1/4 gotë thërrmia buke / prezlle
1/2 gotë miell
2 ve (t’rrahuna)
2 gota vaj luledielli
4 gjoksa pule
1 lugë çaji kripë
1 lugë çaji biber i zi
Magdanoz i grirë (Opsionale për servim)
Rriska limoni (Opsionale për servim)
HAPI 1:
Radhiti gjoksat e pulës n’dërrasë për prerje dhe me tëholluese ose çekan për gati rrehi ato deri sa t’tëhollohen.
Mundesh me e lexu edhe…
HAPI 2:
Merre miellin e vendose n’nji pjatë t’rrafshët. Merr gjoksin e rrahun t’pulës, mbuloje fillimisht me miell, pastaj mbuloje me vezët e rrahuna e krejt n’fund mbuloji me prezlle. T’njejëtin hap përsërite me t’gjitha copëzat e mishit.
HAPI 3:
N’tigan t’thellë shto vajin dhe leje me i nxe mirë. Shto shnicllet 2 nga 2 dhe fërgoji ato për 5 minuta n’secilën anë – deri sa prezllet t’marrin ngjyrën e artë. Largoji prej tiganit dhe servoji me pak gjethe t’prera magdanozi e rriska limoni sipër.
REZULTATI:
Servoji shnicllet me oriz, patate me lulelakër n’tavë, patate t’ambël t’pjekun, ose perime t’pjekuna n’furrë. Kjo recetë asht ideale për çfarëdo lloj rasti; qoftë drekë, darkë, ndonji ndejë ma speciale e pse jo me u përdorë edhe për sanduiç “Crunch” bashk me sallatën me lakër t’kuqe, ose sallatën mediterane me lakër t’bardhë.
E masi veç jemi te recetat interesante me mish pule, mos e le pa e provu edhe pulën me marinadë greke – recetë kjo që asht gjynah me t’ikë pa e provu. Shijo! /katror.info/
Përgatiti:
