Nëse je prej atyre që kur servon drekë a darkë preferon pjatën kryesore me e shoqnu qoftë me nji paragjallë apo sallatë, atëherë ne e kemi nji recetë simpatike dhe plot shije t’sallatës, e që po e provove jemi t’bindun që ke me e përgatitë ma shpesh.
Ideale për drekë a darkë, sallata me lakër t’kuqe asht pjata që i shkon secilës tryezë dhe që asht super e shijshme dhe e lehtë. Ajo madje qëndron e freskët për 2 ditë me radhë e kësisoji ti mundesh me i kursy edhe t’nesërmen vehtes kohë. Mjafton me i ndjekë 2 hapa t’thjeshtë.
PËRBËRËSIT:
Për dresing:
⅓ gotë uthull vere t’kuqe
¼ gotë vaj ullini
1 lugë gjelle sirup panje (Maple syrup)
1 lugë çaji kripë
½ lugë çaji biber i zi
Për sallatë:
½ lakër e kuqe (e prerë n’fije t’holla)
2 karota (t’prera n’fije t’holla)
¼ qepë e kuqe (e prerë n’fije t’holla)
1 tufë magdanoz i freskët (i prerë imët)
HAPI:
N’nji enë shto përbërësit për dresingun dhe përziji mirë.
HAPI 2:
N’nji enë t’thellë shto lakrën, karrotat, qepën e kuqe, magdanozin dhe përzije masën mirë. Gradualisht shto dresingun dhe përzije masën edhe nji herë. Servo.
REZULTATI:
Servoje sallatën me çfarëdo gjelle a ushqimi – meqë asht sallatë që kombinohet me gjithëçka. Madje, mundesh me e përdorë si kombinim edhe për sanduiçë t’ndryshëm. Megjithatë, ne po ta rekomandojmë që këtë pjatë me e përdorë si shoqnuese t’çorbës me perime, çorbës me pulë dhe thjerrëza, apo çorbës me thjerrëza dhe kërpudha. cShijo! /katror.info/
Përgatiti:
