Kushdo që punon e i bjen me e hangër drekën n’punë ose jasht, e din sa shumë dijnë me t’u gërrditë ushqimet e shpejta e sa bajat t’bahen me kalimin e kohës. Biles, pos që s’don me i pa me sy e le mo me i hangër, as xhepi nuk asht ka i përballon ma çmimet. Andaj, me përgatitë e me marrë n’punë me vehte çdoherë e ma shumë po asht alternativë ma efikase, por edhe ekonomike.
Sanduiçi me pesto dhe mocarellë, apo i njohun si “Mozzarella Sandwich” asht prej sanduiçave klasik, por plot shije. Mjaftojnë pak përbërës, 5 minuta kohë, 3 hapa t’thjeshtë e nji toster a tigan i nxehtë për me mrri me e kriju këtë sanduiç italian.
PËRBËRËSIT (2 SERVIME):
4 rriska bukë pa aditiv
4 lugë gjelle pesto
4 rriska domate (mesatarisht t’trasha)
4-6 rriska mocarella (mesatarisht t’trasha)
1 spec i kuq i pjekur (pa lëvore, i prerë n’fije)
Kripë dhe biber i zi (Opsionale)
HAPI 1:
Lyje njanën anë t’rriskave t’bukës me nga 1 lugë pesto shtëpije.
HAPI 2:
Vendosi 2 rriska n’toster apo n’tigan t’nxehtë. SIpër vendosi rriskat e mocarellës, domates e specave t’pjekun deri sa t’mbulohet rriska komplet.
HAPI 3:
Shto sipër 2 sanduiçëve rirskat e mbetuna t’bukës e rreshki n’toster për 5 minuta. Ose n’tigan për 5 minuta n’secilën anë, duke i shtypë me shpatullë për gatim, n’mënyrë që me u rreshkë mirë buka. Servo direkt n’pjatë e haje menjiherë, ose mbështjelle n’folie t’aluminit apo t’letrës dhe merre me vehte për pauzë.
REZULTATI:
Sanduiçin mundesh me e shoqnu me nji lang t’freskët t’mollës t’gjelbër t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vehte njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa i provu edhe 4 sanduiçat tanë t’cilët mundesh me i marrë me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
