Ti mundesh me e nisë secilën ditë mirë nëse përpiqesh me i mbajtë disa praktika t’cilat rekomandohen prej ekspertëve t’ndryshëm. Me u zgju herët asht nji prej shprehive që shumica e njerëzve t’shnetshëm e kanë. E dyta shprehi t’cilën asht mirë me e kultivu e mirëmbajtë asht me e nisë ditën me nji mëngjes t’mirë, t’mbushun me vlera ushqyese dhe t’nevojshme për trupin. Megjithatë, jo çdo herë e kemi motivin me gatu ende pa iu kthjellë mirë. Andaj, zgjedhje ideale n’këso rase janë smoothie-t.
Smoothie me kumbulla e mollë asht prej atyre smoothie-ve që kushdo n’kushte shtëpije ka mundësi me e përgatitë, sepse nuk ka shumë përbërës. Biles, përbërësit e kësaj recete munden me u gjetë lehtësisht, nuk kushtojnë shumë dhe janë mjaftueshëm t’ushqyeshëm.
PËRBËRËSIT:
1 mollë (sezonale)
3 kumbulla
1 lugë gjelle tërrshanë
2-3 lugë gjelle jogurt grek (kos pa yndyrë)
1 lugë gjelle ujë
PËRGATITJA:
Futi t’gjithë përbërësit n’blender e bluji mirë deri sa t’kesh nji sasi t’njitrajtshme e deri sa t’asht shpërba tanësisht tërrshana. Servo me pak gjethe mente n’gotë e pije menjiherë, ose fute smoothie-n n’shishe t’xhamit e shfrytëzoje brenda 2 ditëve.
REZULTATI:
Ngjashëm si këtë smoothie, ti mundesh me e përgatitë edhe smoothie-n me kumbulla dhe tërrshanë; smoothie ky që dallon, por edhe ngjason me smoothie-n me kumbulla e mollë. Poashtu, këto pije kombinohen shumë mirë edhe me 4 idetë tona t’thjeshta për mëngjes t’shnetshëm, njilloj sikurse që kombinohet edhe smoothie me karrotë dhe banane. Servo dhe shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria