Nëse je prej atyre që preferon me hangër mirë e shnetshëm përgjatë ditës, por edhe me e nisë ditën me nji mëngjes ushqyes, atëherë me shumë gjasë edhe tërshanën e ke n’opsionet e këtyre shujtave. E edhepse receta t’tilla sikur qulli i nxehtë i tërrshanës me dredhëza, apo qulli i nxehtë me banane nuk t’marrin kohë ma shumë se 5 minuta – kaniherë e kuptojmë që edhe qato 5 minuta t’duken shumë.
Tërrshana e ftohtë me boronica asht zgjidhja ideale për ty që n’mëngjes çohesh vet i/e 700-ti/ta, sepse, e përgatitë n’mramje (për 3 minuta) e t’nesërmen veç e han. As s’ke me u lodhë, as me ja huqë recetës po i ndjeke udhëzimet tona.
PËRBËRËSIT:
2 gota tërrshanë
2 lugë gjelle fara chia
2 e 1/2 gote qumësht
2 lugë gjelle mjaltë
1 lugë çaji ekstrakt vanille
1 gotë boronica të freskëta
Kanellë (Opsionale)
Mundesh me e lexu edhe…
PËRGATITIJA:
N’nji enë t’thellë shto tërshanën, qumështin, farat chia, mjaltën, vanillën dhe kanellën. Përzije masën mirë dhe shtoji boronicat. Përzije prap masën dhe vendose në gota / teglla / kuti xhami e futi n’frigorifer.
- Advertisement -
REZULTATI:
T’nesërmen mundesh me e hangër menjiherë, apo edhe me e marrë me vehte për punë. Nëse e mbanë n’frigorifer, tërrshana e ftohtë qëndron e freskët për 2 ditë. Pra, mundesh me hangër 2 ditë rresht.
- Advertisement -
Alternativa t’mira për mëngjese dembele janë edhe 4 pjatat me jogurt e fruta, apo parfaiti me fruta mali – opsione këto t’cilat mundesh poashtu me i përgatitë qoftë n’mbramje, qoftë n’mëngjes, pa u lodhë shumë. E nëse t’pëlqejnë recetat me farat chia, mundesh me e provu me përgatitë chia pudding. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
