E ku ka ma mirë se me hangër pjekurina t’shpisë, sidomos nëse pjekurinat janë t’ambla e plot shije, sikurse janë muffins-at e ndryshëm t’cilët mundesh me i përgatitë lehtë e me pak harxh, nuk marrin shumë kohë dhe mundesh me ba kombinime t’ndryshme.
Muffins-at janë nji prej atyne recetave që po ua morre dorën nji herë, ma nuk ndalesh s’gatumi e eksperimentumi. Prandaj edhe llogariten si nji prej gatesave favorite t’shumë prej nesh; veçanarisht fëmijëve, por edhe neve që s’e pranojmë që i kemi ba do vjet.
Listës t’5 llojeve t’muffins-ave që duhesh me i provu sot po ja bashkangjesim edhe nji lloj tjetër, plot ambëlsi e shije e që janë muffinsat me banane. Lehtë, shpejtë, mirë dhe me pak përbërës, këta muffins-a kanë me t’u shkri n’gojë po i provove. Mjafton me i ndjekë 3 hapat tanë t’thjeshtë.
PËRBËRËSIT:
1 e 1/2 gota miell
1 lugë çaji sodë buke
1 lugë çaji pecivë / pluhun për pjekje
1/2 lugë çaji kripë
1/2 lugë çaji kanellë
1/2 gotë sheqer i kafët
1 lugë çaji ekstrakt vanille
3 banane (t’shtypuna)
2 ve (n’temperaturë dhoma)
4 lugë gjelle gjalpë (e shkrirë)
1 lugë çaji ekstrakt vanille
1 gotë arra (t’coptuara)
Mundesh me e lexu edhe…
HAPI 1:
Para se t’fillosh me përgatitjen, nxeje furrën n’200 C. Pastaj n’enë t’thellë me piru ose n’blender shtypi mirë bananet, shto gjalpin e shkrirë, sheqerin, ekstraktin e vanillës dhe erëzat e përzije masën mirë e pastaj shtoja edhe vezët dhe përzije masën prap.
HAPI 2:
Shto miellin, pecivën, sodën e bukës dhepërzije masën deri sa t’krijohet nji masë e njitrajtshme.
HAPI 3:
Vendos letra për muffins n’tepsinë me kallëp për 12 copë dhe mbushi kallëpët deri n’2/3 e letrës. Vendosi n’furrën që paraprakisht e ke nxe dhe pjeki për 25 minuta n’180ºC. Largoji muffins prej furrës, leji me u ftohë për 20 minuta e servo.
REZULTATI:
Vehtën e t’rritunit shërbeji me nga nji muffins e nji kafe, kurse fëmijët shërbeji me nji muffins t’shoqnum me nji gotë qumësht ose kakao. E poashtu, këto muffins mundesh me i marrë me vehte n’punë, ose me ua paketu picimulëve për shkollë. Shijo! /katror.info/
Poashtu, kurdo që ke kohë, mos e le pa e provu edhe kekun e çokollatës pa miell, kekun me limon t’cilit kërkush s’i reziston, e pse jo edhe keksat me limon – nëse e ke merak shijen dhe aromën e limonit. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
