Thuhet se recetat ma t’mira e ma t’shijshme dalin kur nuk janë t’komplikueshme. Thjeshtësia për shumë pjata asht çelës për me u ushqy mirë, me u kënaqë t’u përgatitë e t’u hangër. Ky rregull vlenë veçanarisht për ty që ke ra n’hall se çka me i përgatitë vehtes me hangër, por poashtu je t’u pritu me ja kompliku vehtes punët n’kuzhinë. E n’raste si kjo, 4 sygjerimet tona kanë me t’hy goxha n’punë.
4 kombinimet tona për rollatat e ftohta janë ideale për çfarëdo rasti. Ato munden me u konsumu n’çdo vakt t’ditës, munden me u përgatitë edhe për festa e ahengje dhe janë t’përshtatshme sepse as nuk lypin shumë harxh, as kohë. Pra, secilën prej kombinimeve mundesh me e përgatitë n’2 hapa tepër t’thjeshtë.
1. ROLLATË ME PESTO DHE PROSHUTË PULE
Rollata jonë me pesto e proshutë pule e dëshmon se ti mundesh me e përgatitë këtë recetë për mëngjes, me ua ba gati fëmijëve për shkollë, me e marrë për pauzë me vehte apo edhe me i gostitë mysafirët. E krejt çka t’duhet asht me i ndjekë 2 hapa t’thjeshë.
2. ROLLATË ME HUMUS E PERIME
Njilloj asht edhe rollata me humus dhe perime, e cila asht rollatë ideale për kando që i preferon perimet ma shumë, asht vegjetarian/e apo vegan/e, apo thjeshtë tenton me e reduktu përdorimin e mishit. Lehtë, shpejtë e mirë – kjo rollatë asht ideale për çfarëdo rasti e çfarëdo vakti.
Mundesh me e lexu edhe…
3. ROLLATË ME SALLATË PULE
Rollata me sallatë pule asht ideale nëse t’ka tepru pulë prej ma herët e e ke përgatitë recetën e sallatës t’pulës me kastraveca turrishi. E mira e kësaj rollate asht që nuk asht aspak e randë për lukth, ka plot vlera ushqyese dhe nuk don shumë punë me u përgatitë.
4. ROLLATË ME KREM DJATHË DHE PERIME
Njilloj sikurse rollata me humus dhe perime, edhe rollata me krem djathë e perime nuk përmbanë mish (pra, asht vegjetariane) e medhithat asht plot shije. Rollatat e tilla mundesh me i përgatitë shpejtë, pa u lodhë fort e pa harxhu shumë harxh e me i ba qare vehtës n’dakik.
Ty t’mbetet veç me i provu kurdo që ke kohë e mbetesh pa ide këto rollata, e se cilës me i dhanë prioritet nuk dijmë me t’thanë, sepse, për neve, me i nda asht si me na vra. Servoji e shijoji n’daç vet, n’daç me t’tjerët, por mos e le pa i provu! Mjafton me kliku n’fjalët e hijezume për me u lidhë direkt n’recetën që t’intereson. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
