Idetë e ndryshme për ushqim, servim dhe dekorim t’pjatave festive janë element i randësishëm i festave t’fundvitit. Kujdesi për detaje, servim e dekorim asht hap i randësishëm dhe që e ban diferencën n’raste ma speciale, veçanarisht gjatë festave t’fundvitit. Pjatat festive nime i japin hijeshi edhe ma shumë secilës tryezë, e 10 super-sallatat ma t’mira për festën e vitit t’ri tashma t’kryjnë punë sa i përket sallatave.
A ke ra n’hall se çka me përgatitë për natën e vitit t’ri e je n’kërkim t’ideve t’reja, përveç sallatave e mezeve tipike? Qe ku na ke neve me 6 super-rekomandime për “Finger Food” – ushqime këto ideale për festat e fundvitit, meqë as nuk marrin shumë kohë e as shumë harxh, por ofrojnë shije unike e fantastike.
1. ROLLATAT E FTOHTA
Mos e le pa i përgatitë 4 kombinimet tona për rollatat e ftohta t’cilat janë ideale për çfarëdo rasti. Ato munden me u konsumu n’çdo vakt t’ditës, munden me u përgatitë edhe për festa e ahengje dhe janë t’përshtatshme sepse as nuk lypin shumë harxh, as kohë. Pra, secilën prej kombinimeve mundesh me e përgatitë n’2 hapa tepër t’thjeshtë.
2. BRUSKETAT KLASIKE ITALIANE
Bruschetta (lexo italisht), ose shqip t’njohuna si brusketa, janë nji prej aperitivëve ma t’shijshëm që mundemi me i hasë nëpër restorane italiane. E recetën autentike italiane t’brusketave italiane mundesh lehtësisht me e vu n’zbatim n’kushte shtëpije n’pak hapa e me pak përbërës.
Mundesh me e lexu edhe…
3. VEZË ME FILL AVOKADOJE
Vezët me fill avokadoje janë nji delikatesë e përshtatshme për çfarëdo rasti dhe që mundesh me i përgatitë lehtësisht n’shtëpi, pa u harxhu fort e pa i marrë kohë vehtes për përgatitje. N’total t’nevojiten veç 15 minuta – nëse i ndjekë 3 hapat tonë.
4. KËRPUDHAT ME GLLAZURË BALSAMIKE
Kërpudhat me gllazurë balsamike janë prej atyre recetave që mundesh me i servu me çkado, dhe që kurrë nuk dështojnë me sjellë risi tek ata që i provojnë. Ambëlsia e sojës dhe sheqerit, aciditeti i uthullës balsamike si dhe shije “mishnore” e kërpudhave n’kombinim me erëzat asht kombinimi që as ti vet nuk e ke ditë që ke nevojë me e provu. E çka asht ma e mira – mundesh n’4 hapa me e përgatitë këtë delikatesë unike dhe plot shije pikërisht për natën e vitit t’ri.
5. SHKOPTHAT PREJ KASHKAVALLI
Shkopthat e kashkavallit janë ideja ideale t’cilën mundesh me ja bashkangjitë cilësdo meze a tryeze që parapëlqen, por, mundesh edhe me i përgatitë si pjatë n’vehte. T’shijshme, t’mira e t’shkrifta nga brenda e krokante nga jashtë – këta shkoptha mundesh me i përgatitë n’4 hapa t’thjeshtë e t’lehtë. Biles, mundesh me i shoqnu këta shkoptha edhe me 4 sosat ma t’përshtatshëm për meze.
6. BRUSKETA KAPREZE
T’inspirume prej brusketave klasike, por edhe sallatës t’famshe kapreze, receta e radhës asht nji kombinim t’cilin ban mirë me e provu e i cili kurrë nuk dështon me t’kënaqë, sidomos nëse t’ka tepru bukë bajate e s’don me e lanë me t’shku posht (mundesh edhe t’freskët me përdorë). Mjaftojnë 2 hapa t’thjeshtë e pak minuta kohë që ti me i nda për me i shiju pastaj bashk me t’tjerët brusketat kapreze.
E masi veç jemi tek rekomandimet festive, atëherë t’sygjerojmë me i përgatitë e kriju meze kurorën, najnjanën prej 4 bredh-mezeve (mezet n’formë bredhi), ose njanën prej 3 “Candy Cane” pjatave festive. Shijo, festo e gëzohu! / katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
