Idetë e ndryshme për ushqim, servim dhe dekorim t’pjatave festive janë element i randësishëm i festave t’fundvitit. Kujdesi për detaje, servim e dekorim asht hap i randësishëm dhe që e ban diferencën n’raste ma speciale, veçanarisht gjatë festave t’fundvitit.
Pjatat festive nime i japin hijeshi edhe ma shumë secilës tryezë. Kështu, njilloj sikurse që mezet e ndryshme, po aq t’randësishme janë edhe sallatat e ndryshme t’cilat mundesh me i përgatitë e me ja bashkangjitë cilësdo tryezë festive. E ne, ti kemi zgjedhë 10 super-sallatat ma t’mira për festën e vitit t’ri
1. SALLATA E UKRAINËS
Nuk dijmë a ka ndonji njeri që pret dhe feston vit t’ri n’Ballkan e që nuk e ka hangër apo përgatitë sallatën ma t’famshme t’festave t’fundvitit; atë sallatën kremoze, plot perime t’ziera e t’mbushun me copëza mishi, kastravecash turrshi dhe vezë – t’sallatën e famshme ruse, e që ne kemi vendosë me e riemërtu e me ja lanë emrin Sallatë ukrainase. Ne jemi siguru me ta gjetë recetën ma autentike e ma t’shijshme t’cilën e ke gati n’2 hapa t’thjeshtë.
2. SALLATË PATATESH ME PESTO
Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata e patateve me pesto, t’cilën n’4 hapa e ke gati, veçanarisht nëse ke mysafirë dhe dëshiron me përgatitë ushqime t’lehta, por edhe t’sigurta për shijen e shumëkujt.
Mundesh me e lexu edhe…
3. PASTA-SALLATË KAPREZE
Sallata klasike e makaronave, apo edhe pasta sallata greke, nuk janë sygjerimet e vetme t’kategorisë (sallatë + makarona), meqë ne po ua bashkojmë edhe simotrën; pasta-sallatën kapreze. 2 hapa super t’thjeshtë e pak përbërës janë ma se t’mjaftueshme për me e kompletu nji pjatë plot me shije, por që edhe t’nginë mirë.
4. “COWBOY CAVIAR” – SALLATA “VIRALE” AMERIKANE
Cowboy Caviar, asht sallata e famshme e virale e Tik Tok-ut e cila asht ba e virale për faktin se ka shije e përbërës interesant, por edhe ta mundëson që n’nji kafshatë t’vetme me i pasë t’gjithë përbërësit. Krejt kjo falë metodës që përdoret për me e përgatitë këtë sallatë, e që asht prerja e perimeve n’kubëza t’imët. Pra, sallata nuk don shumë punë, por don merak.
5. KREM-SALLATË ME KASTRAVECA
Krem sallata me kastraveca asht nji version i taratorit klasik e edhe Tzaziki salcës (sosit grek), por megjithatë dallon. Ama fakti që asht ndryshe dhe i ngjashëm me këto dy kombinime, kjo sallatë veç çka asht edhe ma e shijshme, anipse super e thjeshtë me u përgatitë (2 hapa e pak punë janë t’bollshme). E kjo pjatë definitivisht asht freskuese, e lehtë dhe e tretshme – sidomos nëse ke shumë ushqim rreth vehtës.
6. SUPER-SALLATA ME AVOKADO DHE DOMATE
Shijen meksikane mundesh me e pru n’cilëndo pjatë a tryezë nëse e përgatitë sallatën me avokado dhe domate; sallatë t’cilën n’2 hapa e ke gati, e që shkon shumë me tortilla, enchilada, e çipsa. As kohë e as mund nuk t’merr, ama shijen ta ofron menjiherë.
7. “GREEN” MEZE
Kjo meze definitivisht i ngjanë ma shumë nji sallate, andaj edhe e kemi listu n’këtë artikull. Pjata sikurse green mezja asht ideale për gosti familjare e shoqërore, sidomos nëse ke ftu ose gostitë njerëz që ushqehen shnetshëm dhe kujdesen n’ushqim dhe mundet me u kriju n’3 hapa t’thjeshtë.
8. SALLATA PERSIANE “SHIRAZI”
Sallata “virale” Shirazi, ose ndryshe e njohun sikur sallata e thjeshtë persiane, asht nji prej sallatave që s’voni asht ba virale nëpër rrjetet sociale, pikërisht sepse ka thjeshtësinë e sallatës mediteriane, por edhe origjinalitetin e kuzhinës t’lindjes t’mesme, meqë ashtë pak më barishtore. Krejt çka e ban këtë sallatë interesante asht fakti që n) nji kafshatë i gjenë t’gjitha shijet – pikërisht sepse, perimet janë t’grira imët. 5 minuta, 2 hapa super t’thjeshtë edhe 1 thikë e mprehtë mjaftojnë që ti me përgatitë sallatën persiane, pa u lodhë shumë, por t’u e shiju tepër.
9. PANZANELLA – SALLATA TOSKANE
Që s’ke nevojë me lanë bukën me t’shku posht e dëshmon pikërisht sallata italiane (Toskane) e njoftun si Panzanella. E lehtë me u përgatitë e e freskët prej perimeve, kësaj sallate hijeshinë e veçantinë ja shtojnë krutonët (kubëzat krokantë t’bukës bajate) – e që nime e bajnë diferencën.
10. PASTA-SALLATA ME SPINAQ
Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat se gjatë festave nuk po i numrojmë kaloritë). E pasta-sallata me spinaq e çon secilën tryezë n’nivel tjetër.
E masi veç jemi tek rekomandimet festive, atëherë t’sygjerojmë me i përgatitë edhe vezët me fill avokadoje (n’3 hapa i ke gati) si dhe kërpudhat e mbushuna me qiqrra e arra; 2 receta këto që jo çdokush i ka provu, por që çdokujt që i provon kanë me i pëlqy. Kurse për pjata pak ma ektravagante, provo me e kriju meze kurorën, najnjanën prej 4 bredh-mezeve (mezet n’formë bredhi), ose njanën prej 3 “Candy Cane” pjatave festive. Shijo! / katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
