Asht mirë që n’shprehitë dhe rutinat tona me provu me inkuadru sa ma shumë shprehi t’shnetshme, përfshirë këtu edhe shprehi t’ushqyerit ma t’shnetshëm, ma t’shijshëm e ma ekonomik – sepse, dorën n’zemër edhe n’xhep po na kërset bajagi shumë. .
Nëse je ka kërkon me gjetë receta t’shnetshme dhe je n’kërkim t’tyre vazhdimisht, sidomos për shujta t’përshtatshme për konsum gjatë pauzës, mbas ushtrimeve, e pse jo edhe darkave t’lodhshme mbas punës – dije që ne po ta sygjerojmë nji kombinimin ideal për nji kuti pauze proteinike me pasul t’kuq dhe perime
PËRBËRËSIT (Servimi për 1):
100 gr tomatina (t’prera n’mes)
100 gr pasul i kuq i konservum
100 gr kastravec (t’prerë n’copëza)
1/2 avokado (e prerë n’copëza)
1/2 lugë çaji lang limoni
1 lugë t’mesme fara susami
Kripë dhe biber opsionale
PËRGATITJA:
Shto tomatinat, kastravecat dhe pasulin e kuq t’kulluar paraprakisht n’kutin e pauzës. Copëzat e avokados përziji me lang t’freskët limoni n’mënyrë që mos me t’u oksidu (nxi) avokadoja e pastaj vendose n’kuti. Sipër perimeve shto fara susami,, kripë dhe biber sipas dëshirës. Vendose kutinë n’frigorifer. Kurdo që untohesh nxjerre dhe haje.
Mundesh me e lexu edhe…
REZULTATI:
Ti mundesh t’njejëtën përgatitje me e ba edhe për fëmijët e me ua dhanë për shkollë, ose me përgatitë shujtën e njejtë për 2 ditë rreshtazi (përveç avokados që duhesh me e përgatitë ma vonë se oksidohet) dhe me e rujtë n’frigorifer pa problem. Poashtu, mundesh këtë shujtë me e shoqnu me nga nji supë apo smoothie, që me qëndru i/e ngopun për ma gjatë. N’rast se dëshiron me përgatitë ndonji supë, përgatite supën me kungulleshë dhe parmezan, apo edhe supën virale me domate. Kurse nëse je ma tepër kah anon për smoothie, ne ta rekomandojmë smoothie-n me mango dhe ananas, apo smoothie-n me shegë.
Poashtu, nëse je n’kërkim t’ideve t’tjera për shujta t’shnetshme e t’përshtatshme për pauzë, mos e le pa e provu edhe kutinë proteinike me ve, qiqra, perime dhe humus, kutinë e pauzës me ve, rrush dhe gjalpë kikiriku, kutinë e pauzës me ve dhe jogurt frutash, apo edhe kutinë e pauzës me perime dhe sos tzaziki.
E nëse je ka don me provu ndonji sanduiç t’shijshëm e me marrë me vehte n’punë për pauzë, atëherë ne ta rekomandojmë sanduiçin me sallatë vezësh – sanduiç i mbushun shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
