Muffin-vezë me spinaq, kërpudha dhe djathë – kafshatat ideale për mëngjeset dembele

Mëngjeset e nisuna mirë, janë ato mëngjese ku ushqehemi mirë. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Qata recetat sikurse fritatta mediterane, apo fritatta me spinaq dhe tomatina janë ideale për nji super-mëngjes kampionësh e pse jo edhe ndonji vikend dembel a “Brunch”. Mirëpo, kësaj radhe kemi ardhë me 1 version edhe ma praktik t’fritatta-ve ose omletëve, e që jemi t’bindun që edhe fëmijëve ka me ju pëlqy ma shumë

Muffin-vezët me spinaq, kërpudha dhe djathë janë gatesa perfekte me u përgatitë kur ke shumë njerëz me ushqy për mëngjes e nuk don me harxhu shumë kohë n’kuzhinë. Omleti / fritatta n’formë t’muffins-ave asht zgjidhja ideale, praktike por edhe joshëse si për t’mëdhenjt, ashtu edhe për t’vegjlit.

PËRBËRËSIT:

8 ve
½ lugë çaji kripë
½ lugë çaji piper i zi
3 lugë gjelle vaj ullini
300 gr spinaq
200 gr kërpudha (t’prera n’rriska)
120 gr djathë dhie (i grimcum)
1/5 tufë magdanozi (e grirë)

HAPI 1:

Paraprakisht nxeje furrën n’200 C e pastaj n’nji enë t’thellë shto vezët, kripën dhe biberin e tundi mirë me tel kuzhine deri sa t’njitrajtëzohet masa.

HAPI 2:

N’tigan shto 1 lugë gjelle vaj, vendosi kërpudhat dhe fërgoji për 5 minuta. Largoji dhe vendosi me 1 pjatë.

HAPI 3:

N’t’njejëtin tigan ku i ke fërgu kërpudhat shto spinaqin dhe fërgoje për 2-3 minuta. Largoje dhe vendose n’pjatë bashk me spinaqin.

HAPI 4:

Merre tepsinë për muffins dhe me 2 lugët e mbetuna t’vajit, me brushë lyeji kallëpët mirë. Shto kërpudhat, spinaqin dhe djathin e imtësum n’secilin kallëp.

HAPI 5:

Merr miksin e vezëve dhe vendose sipër secilit kallëp deri sa t’mbulohet thuajse tanësisht kallëpi.

HAPI 6:

Vendose tepsinë n’furrë dhe pjeki vezët për 5 minuta n’200 C e pastaj edhe 5 minuta t’tjerë n’150 C. Largoje tepsinë prej furrës, leji vezët me u ftohë pak për 5 minuta. Largoji nga kallëpi dhe servo.

REZULTATI:

Servoji muffins-at prej vezëve n’pjatë t’madhe dhe ofroje mundësinë që secili me u shërby vet me to. Ti poashtu mundesh t’njejëtën metodë me e shfrytëzu dhe me përgatitë kombinime t’tjera t’këtij lloji e me i shoqnu edhe me gatesa tjera t’mëngjesitt sikurse janë muffins-at e kallamojt, pallaqinkat, tostat me avokado dhe dredhëza, ose petullat amerikane. Këso kombinime janë ideale kur servon ushqim për ma shumë persona e kur jo çdokush ka merak me e hangër t’njejëtin ushqim si t’tjerët – prandaj edhe ka mundësi me zgjedhë.

E mbasi veç asht vikend e shumëkush çohet ma vonë, ne kemi mendu edhe për 3 pjata ideale për “Brunch” t’cilat lehtësisht mundesh me i adaptu sipas shijeve t’tua. Shijo! /katror.info/