Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Patatet me lulelakër n’tavë janè pikërisht nji prej recetave ma t’thjeshta e t’lehta me u përgatitë, e që munden me u kombinu lehtësisht me çdo kombinim mishi a perimesh tjera t’përgatituna. Thjeshtë, mirë dhe me pak përbërës, kjo tavë s’ka qysh dështon.
PËRBËRËSIT:
3 patate mesatare (t’prera n’copa)
Kripë dhe piper (Opsionale)
1 lulelakër (e ndarë n’copa)
2 lugë gjelle vaj ullini
1 lugë gjelle trumzë e freskët (e imtësume)
1 lugë çaji hudhër pluhur
¼ gotë qumësht
150 gr kashkavall (i grirë)
Mundesh me e lexu edhe…
HAPI 1:
Ziji për 20 minuta patatet n’ujë me pak kripë. pas 20 minutave shto lulelakrën dhe bashk ziji perimet për 5 minuta t’tjera, pastaj kulloji mirë.
HAPI 2:
Shto patatet dhe lulelakrën e kulluar mirë n’tepsi për pjekje dhe shto vajin e ullinit e përziji mirë.
HAPI 3:
Shto erëzat, qumështin dhe kashkavallin sipër tepsisë t’mbushun me perime. SHpërndaje djathin mirë dhe pjeke tavën për 15-17 minuta n’170 C. Largoje tavën nga furra. Servo.
REZULTATI:
Patatet me lulelakër n’tavë mundesh me i servu me salmon t’pjekun me hudhër dhe erëza, me pulë me marinadë greke, apo me kungulleshat e mbushuna me pulë, e besa mundesh edhe me ua bashkangjitë nji krem sallatë me kastraveca anash. Shijo! /katror.info/
E meqë veç u përmendën sallatat, mos e le pa i provu ndonjanën prej 4 super sallatave “virale” t’cilat i kemi rekomandu kohë ma parë, apo edhe sallatën me makarona. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
