Dimri dhe periudha e festave e ka veç nji t’keqe: që t’trashë. Daljet gjatë dhjetorit janë aq shumë t’shqnume me ushqim e pije alkoolike, sa asht e vështirë mos me shtu peshe, sidomos nëse përgjatë kësaj sezone prej daljeve i lajmë anash pak ushtrimet, ose nuk ushtrojmë hiç.
S’ke pse hjekë dorë prej nji muaji qejf e gëzime, por mundesh me hjekë dorë prej mos-kujdesit për shnetën e trupin tand, me disa praktika t’thjeshta e t’lehta mëngjesore që ja ndihmojnë pak metabolizmit me punu ma shpejtë, pa e malltretu vehten shumë. Falë pijeve mëngjesore detoksifikuese që e përshpejtojnë metabolizmin.
Mirë, por çka janë pijet mëngjesore detoksifikuese? – kishe me thanë.
Mundesh me e lexu edhe…
E na lehtësisht t’përgjigjemi se ato literalisht janë kombinime t’ujit me vitamina e minerale, por edhe antioksidantë, t’cilat e përshpejtojnë funksionimin e metabolizmit – rrjedhimisht t’ndihmojnë me djegë kalori dhe me humbë peshë.
Mirë, por qysh përgatiten pijet detoksifikuese t’mëngjesit? – kishe me thanë. E na t’tregojmë që ato përgatiten lehtësisht, n’kushte shtëpije, me shumë pak përbërës.
Përgatitja e ujit t’vluar me pak limon t’shtrydhun asht nji prej alternativave ma t’mira e me t’lehta t’këtyre pijeve. Vlo ujin bashk me 1/2 e limonit, shto 1 lugë t’mesme mjaltë dhe pije t’vakët çdo mëngjes 20 minuta para se me hangër mëngjes.
Përgatitja e ujit t’vluar me kanellë e mjaltë poashtu hynë tek përgatitjet e lehta t’pijeve detoksifikuese e që nuk t’merr shumë kohë. Mjafton me vlu pak ujë me 1 shkopth kanelle, apo 1/3 lugë çaji kanellë pluhun, për nja 10 minuta, me i shtu mjaltë e me pi esëll përditë.
Përgatitja e ujit t’vluar me xhenxhefil, njilloj sikurse edhe pijet e masipërme ka t’njejëtin efekt përshpejtues t’metabolizmit dhe ndjekë t’njejëtën logjikë përgatitjeje dhe konsumi. Pra, vlon ujin, shton copëza xhenxhefili, e vlon masën për 10 minuta, i shton 1 lugë t’mesme mjaltë dhe pastaj e pin t’vakët 20 minuta para se me hangër mëngjes.
Kuptohet, konsumimi i pijeve mëngjesore detoksifikuese nuk nënkupton: Ha, pi e gufo prej ushqimit, e mandej pije nji pije detoksi. Pra, duhesh me e moderu pak edhe mënyrën e t’ushqimit, por nuk ke nevojë mos me hangër hiç.
Gjithashtu, duhet me e konsumu najnjanën prej këtyre pijeve n’baza ditore që me u vërejtë efektet. Pra, janë pije detoksifikuese, jo magjike. Shijo! /katror.info/
Përgatiti:
