Kuzhina italiane njihet për variacionet e ndryshme t’sosave t’cilët përdoren n’pasta t’ndryshme, sanduiçë, pica e brusketa. E prej soseve ma t’famshme patjetër që janë sosi i kuq i domates dhe pestoja gjenoveze. Dyjat unike e plot shije, nime e përmbushin secilën pjatë.
Kësaj radhe kemi vendosë me e nda me ty recetën klasike t’pestos italiane / gjenoveze. Këtë pesto mundesh me e përgatitë n’kushte shtëpie, me përbërës t’freskët, n’pak minuta kohë e me e shfrytëzu për çdo recetë t’mundshme, veçanarisht n’4 recetat n’vijim.
1. TOST ME VE DHE PESTO
Ve dhe pesto shtëpije, sipër 1 rriske buke t’rreshkun mirë asht çka po t’rekomandojmë kësaj radhe për nji mëngjes plot shije. E që nuk asht vështirë me u përgatitë tostin me ve e pesto po ta hjekim gajle ne, meqë nuk ke shumë punë, mjafton me i ndjekë 3 hapat tonë t’thjeshtë.
Mundesh me e lexu edhe...
2. SANDUIÇ ME PESTO DHE MOCARELLË
Sanduiçi me pesto dhe mocarellë, apo i njohun si “Mozzarella Sandwich” asht prej sanduiçave klasik, por plot shije. Mjaftojnë pak përbërës, 5 minuta kohë, 3 hapa t’thjeshtë e 1 toster a tigan i nxehtë për me mrri me e kriju këtë sanduiç italian.
3. SALLATË PATATESH ME PESTO
Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata e patateve me pesto, t’cilën n’4 hapa e ke gati, mundesh me marrë me vehte n’punë, me e kombinu me pjata tjera e madje me e servu n’cilindo vakt t’ditës, qoftë edhe si meze.
4. PULË ME PESTO DHE PERIME
Pula me pesto dhe perime, asht pjata t’cilën po ta rekomandojmë n’daç me hangër mirë, shnetshëm, me u ngi e mos me u lodhë shumë t’u përgatitë. Poashtu, kjo recetë asht shumë e përshtatshme për kando që ruhet pak n’ushqim, ushtron, i kushton randësi vlerave ushqyese dhe ka preferon me marrë ushqimin e tepër t’drekës a darkës me vehte n’punë.
Meqë recetat me pesto t’inspirume prej kuzhinës italiane po t’intrigojkan, mos e le pa i mësu edhe 5 fakte interesante për kuizinën italiane, si dhe 6 fakte interesante për pastat. Shijo! /kator.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
