Thonë që dita e mirë shihet n’mëngjes e ne poashtu e mbështesim fuqishëm këtë thanje. Megjithatë, kur e ke nji sy hapun e nji ende mbyllun, asht vështirë me e gjetë vullnetin me fillu ditën herët, me energji e pa ankesa. Ama, s’asht nevoja me e nisë ditën me bark t’thatë kur mundesh diçka t’mirë me ba sa hap e mbyll sytë.
Smoothie me hurma dhe çokollatë asht smoothie që t’nevojitet për me fillu ditën me mjaftushëm vlera ushqyese (deri sa t’vjen koha e drekes), por edhe me u ambëlsu. Krejt çka t’duhet janë 1 minut kohë dhe pak përbërës.
PËRBËRËSIT (1 servim):
1 banane
3 hurma (pa thelb)
1 gotë qumësht
1 lugë gjelle gjalpë kikiriku
1 lugë gjelle kakao pluhun
PËRGATITJA:
Shto krejt përbërësit n’blender e bluji deri sa t’krijohet nji masë e njitrajtshme dhe pa copëza frutash.
Mundesh me e lexu edhe…
REZULTATI:
Vendose smoothie-n n’gotë e pije menjiherë, ose fute n’shishe t’xhamit, shtine n’frigorifer. Smoothie qëndron i freskët për 2 ditë. Sipër shto thërrmija çokollate t’copëtume. Poashtu, nëse t’pëlqen shija e bananes n’smoothie, ne ta rekomandojmë edhe smoothie-n klasik me hurma dhe banane t’cilin e ke gati për 1 minut.
Gjithashtu, për mëngjese plot shije e vlera ushqyese, ti mundesh me e nisë ditën edhe me 1 prej 4 pjatave me jogurt dhe fruta, ose me 1 prej 4 recetave t’shnetshme për mëngjes. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
