Supë bizelesh me mente; pjata që i shkon cilësdo dreke

Recetat e lehta e t’shpejta sikurse janë recetat e 4 supave që i patem përzgjedhë kohë ma parë, na ofrojnë mundësi me ba përzgjedhje t’shëndetshme ma shpesh, por edhe ekonomike – meqë maksimalisht po mundohemi me gjetë receta t’lira e t’mira. E anipse verë, supat vazhdojnë e mbesin ushqim ideal dhe starter i mirë i çdo dreke a darke – mjafton me zgjedhë përbërës t’freskët.

Contents

Nëse deri tash nuk t’ka rastisë me provu supën me bizele dhe mentë – tash asht koha ideale për me e ba nji gja t’tillë, meqë kjo supë asht nji prej supave ma t’shijshme e autentike n’kuzhinën vegane e vegjetariane. E lehtë me u përgatitë, e e mbushun me shije freskuese t’mentës e limonit që i japin ma shumë shije bizeleve t’ziera – kjo supë asht prej supave ma t’lehta me u përgatitë edhe nuk dështon kurrë me t’kënaqë.PËRBËRËSIT:HAPI 1:HAPI 2:REZULTATI:

Nëse deri tash nuk t’ka rastisë me provu supën me bizele dhe mentë – tash asht koha ideale për me e ba nji gja t’tillë, meqë kjo supë asht nji prej supave ma t’shijshme e autentike n’kuzhinën vegane e vegjetariane. E lehtë me u përgatitë, e e mbushun me shije freskuese t’mentës e limonit që i japin ma shumë shije bizeleve t’ziera – kjo supë asht prej supave ma t’lehta me u përgatitë edhe nuk dështon kurrë me t’kënaqë.

PËRBËRËSIT:

1 lugë gjelle vaj ullini
1 qepë (e grirë imët)
1 thelb hudhër (i grirë imët)
500 gr bizele t’ngrira
1 l supë perimesh (1 l ujë + 2 kubëza supe me perime)
2 lugë gjelle lang limoni
8 gjethe mente (t’grira imët)
Kripë dhe biber i zi (Opsionale)
Krem-qumësht (Opsionale)

HAPI 1:

N’tenxhere t’nxehtë shto vajin e ullinit dhe kavërdis qepën e hudhrën për 3 minuta. Shto bizelet dhe kavërdisi ato për 3 minuta t’tjerë.

HAPI 2:

Shto erëzat dhe supën bashk me langun e limonit dhe mentën e grirë e zije supën për 10 minuta pastaj bluje n’blender deri sa t’krijohet nji masë e njitrajtshme. Servo!

REZULTATI:

Servoje supën n’pjata e shtoji pak krem-qumësht e bizele me biber e kripë sipër. Shoqnoje supën me pak bukë, keksa t’njelbët apo edhe me krutonë (bukëza t’rreshkuna) për ekstra shije. Ndërkaq, pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron e ngranshme për 2-3 ditë dhe mundesh edhe n’punë me marrë me vehte.

E nëse ke interesim me mësu edhe ndonji recetë t’re t’supave me plot shije, ne ta rekomandojmë me përgatitë supën me karrota dhe xhenxhefil, supën me speca t’kuq – supë kjo që nuk besojmë ta kesh provu deri më tash. E edhe supa me patate t’ambël, asht prej atyre supave që s’ban me t’ikë pa e provu. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria