Nëse je prej njerëzve që ka qejf me ekperimentu n’kuzhinë, por edhe me provu receta t’vendeve t’ndryshme – ke hy n’artikullin e duhur. Për ma tepër, disa fakte interesante dëshmojnë që ndër kuizinat ma t’shnetshme dhe t’shijshme asht ajo meksikane. Andaj edhe ne ta kemi përgatitë artikullin me e recetën meksikane t’fajitave me mish viçi dhe perime t’cilën DUHESH me e provu..
E mbushun plot shije prej mishit t’blum’ t’viçit, por edhe erëzave, peta e tortillës me pak salcë kosi e pak sos pikant asht krejt çka t’duhet për mos me u mendu dy herë e me i përvëjelë mangët për me e përgatitë këtë specialitet. Edhe s’ka kushedi çfarë filozofie, veç ama ka pak marifet. E këtë ma s’miri e sheh ma poshtë vet.
PËRBËRËSIT:
400 gr mish viçi (i blum’)
1 lugë gjelle pastë domatesh
1 qepë e kuqe (e prerë imët)
1 domate (e prerë imët)
4 lugë gjelle vaj ullini
8 petë për tortilla / fajita
1 lugë t’mesme biber i kuq
1 lugë e mesme vegetë
1 lugë çaji hudhër pluhun
1 lugë çaji këri (Curry powder)
1/2 lugë çaji kanellë
1 lugë çaji qepë pluhun
Limon ose limetë (opsionale)
1/3 sallatë e gjelbërt (e prerë n’fije)
100 gr kashkavall (i grirë)
HAPI 1:
N’tigan t’nxehtë shto vajin dhe mishin e blum e kavërdise mishin për 8-10 minuta, deri sa t’shprishet komplet dhe t’jetë shterrë uji i mishit.
Mundesh me e lexu edhe…
HAPI 2:
Shto erëzat dhe pastën e domateve e kavërdise mishin edhe për 5-7 minuta t’tjerë duke e përzi vazhdimisht. Largo mishin nga tigani dhe vendose n’pjatë.
HAPI 3:
Nxeji petët e tortillave apo fajitave n’furrë ose n’mikrovalë për 2 minuta. Shtoja secilës petë mixin me mish. Shto pak sallatë, domate e qepë t’grirë dhe kashkavall. Poashtu, ne ta rekomandojmë me i shtu pak edhe magdanoz t’freskët dhe rriska limeteje për ekstra shije.
REZULTATI:
Kështu, këtë recetë mundesh lehtësisht me e përgatitë qoftë për drekë apo edhe darkë e me i shiju n’kushte shtëpije njilloj qysh i kishe shiju me ndonji restoran meksikan, pa pasë nevojë me ba harxhime t’mëdhaja. Madje, ti mundesh me e përgatitë edhe salsën pikante meksikane, guacamole-n e famshme meksikane dhe sallatën me lakër t’kuqe që me i shoqnu këto pjata me to. Copëzat e avokados poashtu janë diçka që po pate mundësi veç çka e ban edhe ma autentike pjatën.
Ngjashëm mundesh me i përgatitë edhe fajita-t me mish pule, ose, me provu me e përgatit’ taco-supën meksikane po pate merak n’shije t’taco-ve e me u kënaqë krejt. Gjithashtu, n’rehatinë e shtëpisë ti mundesh me lexu se cilat janë 6 faktet ma interesante mbi kuizinën meksikane – veç pse mundesh. Shijo! /Katror.info
Përgatiti:
