Sado që fëmijët prapë ma tepër i preferojnë frutat sesa perimet, prapë shumë prindër bijnë n’gazep me i bind fëmijët me i konsumu ato. Për qata 3 ide interesante që i shtijnë fëmijët me hangër fruta ma shumë, pjatat me zogj prej frutave, apo edhe 3 pjatat me drunj prej frutave janë tregu metoda efektive për me i nxitë vocërrakët me i fshi pjatat. Ndërkaq sfida ma e madhe mbetet për prindërit që kanë fëmijë t’moshës 2-3 vjeçare, e që as nuk kanë kohë me ju nejt’ t’u i lutë me hangër, as durim e as kohë sa duhet. Andaj, javë ma parë patëm ardhë me 4 ide se çka me ju përgatitë picimulëve për mëngjes.
Kësaj radhe kemi vendosë që prindërve t’picimulëve me ju ofru alternativa praktike, kohë-kursyese, por edhe t’shijshme për vocërrakët e tyre. E nëse ti je nji prej prindërve që ke ra n’hall se çka me i servu picimulit/es tand/e për drekë, qe ku i ke 4 ide super t’mira, t’shijshme dhe t’ushqyeshme.
1. MAKARONA “MAC ‘N’ CHEESE” DHE PERIME T’ZIERA
Përgatiti për krejt familjen makaronat e përziera me parmezan e kashkavall t’shkrimë t’njohuna edhe si “Mac “n’ Cheese” duke i ndjekë 5 hapat tanë, dhe servoja 1 porcion t’vogël (6 lugë gjelle pasta) edhe picimulit/es tande bashk me disa perime t’ziera n’avull – bizelet dhe karrotat (2-3 lugë gjelle) janë rekomandimi jonë. E nëse t’duhen këshilla se sa gjatë me i zi perimet, mos e le pa i mësu 4 aspektet t’cilat DUHET me i pas’ parasysh’ kur zien perime n’avull.
Mundesh me e lexu edhe...
2. ROLLATË HUMUSI ME PERIME DHE MANDARINË
Përgatite rollatën e humusit me perime sezonale brenda pak minutash, n’2 hapa super t’thjeshtë dhe servoja vocërrakut/es tande për drekë bashk me 1 mandarinë. Lehtë, thjeshtë, shpejt, shnetshëm e mirë ti mundesh me e kriju nji pjatë interesante për fëmijun tand, plus me e furnizu me vlera t’mjaftueshme ushqyese. Besa, mundesh me e përgatitë edhe rollatën me krem-djathë dhe perime po nuk pate humus.
3. PARFAIT ME FRUTA MALI DHE MUESLI
Kjo shujtë asht ideale me ja u cervu picimulëve n’rastet kur ata insistojnë me hangër diçka t’ambël, por nuk janë ushqy mirë. Kështu parfait-i me fruta mali pos që nuk don naj farë filozofie me u përgatitë, rezulton edhe me pamje super-joshëse, përmbanë sasi t’naltë t’proteinave e vitaminave dhe ka shumë pak sheqer n’krahasim me ambëlsinat e tjera. Madje, nëse don me e ushqy fëmijun sa ma shnetshëm, atëher mundesh edhe muesli miksin me e përgatitë vet.
4. MEZE PICRRAKE PËR FËMIJË
Kjo pjatë asht pjata ma e lehtë t’cilën mundesh me ja përgatitë vogëlushit/es tand/e kur nuk ke as kohë, as nerva me i kapë tenxheret e tiganët e me zi diçka. Merr disa keksa t’pakriposun, pak rriska kashkavalli, 1 lugë gjelle sos boronice, ose reçel dredhëze, gjysmë molle t’prerë n’rriska dhe 2 lugë gjelle sos çokollate me gjalpë kikiriku e bashkoji t’gjitha n’1 pjatë t’vetme e krijo 1 “meze picrrake” pa u mundu fort.
Besojmë që këto rekomandime janë disa alternativa t’cilat shumica e fëmijëve t’vegjël i pëlqejnë, por mos harro ta kesh n’konsideratë që këto pjata munden lehtë me u përshtatë e me u ndryshu varësisht prej shijes, por edhe harxhit që e ke n’dispozicion. E masi veç jemi tek ushqimet e mira e t’shnetshme për vaktin e drekës, sikur qysh je ka ja ban qejfin ma t’vegjëlve, mos e le pa ja ba edhe vehtës, por përgatite 1 prej 5 recetave mediterane për drekë, ose 1 prej 4 çorbave t’tona super t’shijshme. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
