Kuzhina meksikane asht nji ndër kuizinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. Mirëpo, sa ka receta t’ushqimeve, aq ka receta edhe t’pijeve alkoolike e koktejeve – e ne jemi k’tu me ta pru njanën prej tyne – ma t’mirën n’fakt.
Kushdo që ka merak me pi, ka ra n’artikullin e duhun, meqë kësaj radhe po i ndajmë udhëzimet për nji Margarita klasike fort t’shijshme e t’lehtë me u përgatitë, e që asht ideale për me u përgatitë e servu gjatë netëve kur priton me dal, por ke merak me pi. E që nuk don fort mund e dëshmojnë edhe udhëzimet e maposhtme.
PËRBËRËSIT (SERVIMI PËR 2)
Lang i frekët i 1 limoni
Langu i freskët i 1 limete
50 ml tripple sec
50 ml tequila
30 ml ujë
3 lugë gjelle shërbet (simple syrup)
6 kubëza akulli (për miksim)
1 limetë (e prerë n’rriska për servim)
2 lugë gjelle kripë (për servim)
4 kubëza akulli (për servim)
HAPI 1:
Shto 6 kubëza akulli, tequila-n dhe tripple sec-on n’nji enë t’thellë bashk me langun e shtrydhun t’limonit e limetës, shërbetin dhe ujin e përzije masën mirë për 2 minuta.
Mundesh me e lexu edhe…
HAPI 2:
Merr gotat për servim, lyji me limetë dhe shto kripën rreth rrethit t’gotës.
HAPI 3:
Shto copëza akulli dhe servo koktellin bashk me nji riskë limete sipër.
REZULTATI:
T’njejëtën gja mundesh me e ba edhe me gota ma ekstravagante e me shtikëll, për efekt ma t’bukur. Këtë ta rekomandojmë me e ba veçanarisht nëse ke merak me u tregu pak ma ekstravagant/e n’servimin e koktejeve. Shembulli i maposhtëm ta ilustron ma s’miri se qysh mundet me u dukë margarita hala ma bukur, veç t’u shfrytëzu gotë tjetër.
Servoji margaritat e shijojshi ato me kando që ka merak me pi e me e ba ndonji llaf t’mirë. Poashtu, nëse e ke ndërmend me përgatitë nji darkë meksikane e që shkon shumë me këtë koktell, atëher mos e le pa i provu 1 prej 3 kombinimeve t’fajitave meksikane, ose edhe me nachos t’pjekuna n’furrë – n’rast se don diçka t’shpejtë, t’mirë e plot shije.
E n’e paqe nda mendjen me eksperimentu me pije e kokteje meksikane, ti poashtu mundesh me e përgatitë edhe versionin si-motër t’margarita-s klasike; strawberry margarita-n – që anon pak ma ka e ambla.
Gjithashtu, përpos këtyre koktejeve t’i mundesh me e përgatitë edhe koktellin e njohun si “Amaretto Sour”, koktellin “Vodka Pineapple” apo edhe nji Gin ‘n’ Tonic sipas recetës sonë klasike.
Por mbasi veç jemi tek kuzhina meksikane, mëso 6 fakte interesante për kuizinën meksikane si dhe 4 fakte t’padëgjume për Tequila-n. Njilloj sikurse për tequila-n, mundesh me mësu se cilat janë 5 faktet ma interesante për Vodkën – pijen e famshme ruse. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
