Nuk do fort mend se mëngjeset e nisuna mirë, janë ato mëngjese ku ushqehemi mirë dhe i ndihmojmë organizmit e trupit me marrë vlera ushqyese e t’shnetshëm. Qata recetat sikurse fritatta mediterane, apo fritatta me spinaq dhe tomatina janë ideale për nji super-mëngjes kampionësh. Megjithatë, këto receta për shumëkand që ushtron dhe mundohet me qenë n’kalori deficit dijnë me qenë pak t’papërshtatshme meqë e verdha e vezës asht bajagi kalorike n’krahasim me t’bardhën.
Muffin-vezët proteinike me speca janë gatesa perfekte me u përgatitë kur ke shumë njerëz me ushqy për mëngjes e nuk don me harxhu shumë kohë n’kuzhinë, por edhe kur je t’u dasht’ me marrë ma shumë proteina e ma pak kalori, meqë këta muffins përgatiten vetëm me t’bardhën e vezëve. Pra, edhe për ty që je ka don me humbë pak peshë, me shtu ose mirëmbajtë peshën e muskujve, apo thjeshtë me iu shmangë kalorive t’tepërta – kjo recetaë asht idealja.
PËRBËRËSIT:
6 t’bardhë t’vezëve
50 gr djathë feta (i grimcum’)
50 gr gjizë / djathë rikota
60 gr kashkavall (i grirë)
1-2 speca t’kuq (t’pjekun dhe t’qërum’)
1 grusht spinaq (i grirë)
Kripë dhe biber (Opsionale)
HAPI 1:
Para se me fillu me përgatitje, nxeje furrën n’200 C. Pastaj fillo me i shtu t’bardhat e vezëve dhe djathnat n’blender bashk me kripë dhe biber e me i blu mirë deri sa t’krijohet nji masë e njitrajtshme.
HAPI 2:
Merr kallëpët për muffins e vendosi sipër 1 tepsie tjetër t’rrafshët dhe mbushi me speca t’grirë e spinaq, mandej shtoje miksin e vezëve.
HAPI 3:
Mbushe tepsinë e jashme (ku qëndrojnë kallëpat sipër) me pak ujë dhe vendose atë bashk me kallëpat me u pjekë për 8-12 minuta n’furrë. Uji e ndihmon zierjen/pjekjen e vezëve brenda kallëpit. Largo dhe servo.
REZULTATI:
Servoji muffins-at proteinik n’pjatë t’madhe dhe ofroje mundësinë që secili me u shërby vet me to. Ti poashtu mundesh t’njejëtën metodë me e shfrytëzu dhe me përgatitë kombinime t’tjera t’këtij lloji e me i shoqnu edhe me gatesa tjera t’mëngjesitt sikurse janë muffins-at e kallamojt, apo muffin-vezët me spinaq, kërpudha dhe djathë. Këso kombinime janë ideale kur servon ushqim për ma shumë persona e kur jo çdokush ka merak me e hangër t’njejëtin ushqim si t’tjerët – prandaj edhe ka mundësi me zgjedhë, por edhe janë t’përshtatshme me u përgatitë e me i marrë n’punë me vehte. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria