Kërpudhë-pica; versioni i shnetshëm i picës – gati n’3 hapa t’thjeshtë

Pica vazhdon me qenë nji prej ushqimeve t’preferume t’shumicës prej nesh. Megjithatë, t’gjithë e dijmë që si ushqim, nuk asht edhe bash ushqimi ma i shnetshëm, andaj edhe asht mirë mos me e konsumu shumë e shpesh. Kështu alternativat pak ma t’shnetshme e t’lehta sikurse Pizzadillas = Pizza + Quesadillas dhe patëllxhan-picat tashma e kanë dëshmu që ofrojë kënaqësi, pa e kompromitu shijen e mirë.

Contents

Kërpudhë-pica asht definitivisht rekomandimi jonë i radhës për ty që je merakli/ke i/e picës, por që s’ke qejf me ja tepru me brum e karbohidrate e që mundohesh me i nejt pak gati ushqmit. E n’3 hapa fort t’thjeshtë, ti mundesh me e shiju picën, pa brumin e kaloritë e panevojshme. Kjo recetë asht ideale poashtu për drekat e darkat dembele, ku pritojmë me mbetë gjatë n’kuzhinë.PËRBËRËSIT:HAPI 1:HAPI 2:HAPI 3:REZULTATI:

Kërpudhë-pica asht definitivisht rekomandimi jonë i radhës për ty që je merakli/ke i/e picës, por që s’ke qejf me ja tepru me brum e karbohidrate e që mundohesh me i nejt pak gati ushqmit. E n’3 hapa fort t’thjeshtë, ti mundesh me e shiju picën, pa brumin e kaloritë e panevojshme. Kjo recetë asht ideale poashtu për drekat e darkat dembele, ku pritojmë me mbetë gjatë n’kuzhinë.

PËRBËRËSIT:

4 kërpudha Portobello
4 lugë gjelle sos domatesh
50 gr kërpudha (t’prera n’rriska)
80 gr kashkavall (i grirë)
2 thelpinj hudhre (t’grira)
2 lugë gjelle vaj ullini
80 gr tomatina (t’prera n’gjysme)
Kripë, oregano dhe biber i zi (Opsionale)

HAPI 1:

Largo bishitin e kërpudhave dhe thaji mirë me pallomë. Lyeji me nga pak vaj dhe shto sipër secilës brendi t’kërpudhës hudhrat e grira. Mosi harro as erëzat.

HAPI 2:

Shto nga 1 lugë sos domatesh n’çdo kërpudhë, pastaj shto kashkavallin dhe tomatinat

HAPI 3:

Vendosi kërpudhat n’tepsi e shtini me u pjekë për 10 minuta n’temperaturë 180 C. Kujtohu me e nxe furrën 5 minuta ma herët. Largo pasi t’jenë pjekë ato dhe servo.

REZULTATI:

Servoji kërpudhë-picat n’pjatë e haji veçmas ose bashkangjiti n’nji tryezë me meze. E nëse je ka përgatitë ushqim për meze ose paragjella, bashk me patëllxhan-picat, ti mundesh me i përgatitë edhe brusketat italiane e besa mundesh me i përgatitë edhe 4 rollatat tona t’ftohta që shkojnë bash për çfarëdo rasti.

E n’e paqe nda mendjen me përgatitë meze e me ja ba qejfin vehtës këtë fund-javë si dhe me eksperimentu me pije e kokteje, atëherë mundesh me e përgatitë koktellin e njohun si “Amaretto Sour” apo “Strawberry Margarita”, koktellin “Vodka Pineapple” apo edhe nji Gin ‘n’ Tonic sipas recetës sonë klasike. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria