Që brokolli asht super-ushqim i mbushun me vitaminë c dhe vlera t’tjera ushqyese t’cilat dukshëm e përmisojnë shëndetin tonë, veçanarisht atyre që kanë diabet – asht tashma fakt i ditun e i njohun edhe për ata t’cilët nuk marrin vesh aspak prej kuzhinës e ushqimit t’shnetshëm. Mirëpo, t’paktë janë njerëzit që nime e shijojnë brokollin dhe që e hajnë atë me qejf. Andaj edhe kohë ma parë i patëm listu 4 super-receta me brokolli, ndërsa kësaj radhe listës po ja bashkangjesim edhe nji recetë fantastike.
E lehtë me u përgatitë, por edhe e mbushun me vlera ushqyese e plot shije, krem-supa me brokolli asht ideale si për ata që e adhurojnë këtë perim, nj’ashtu edhe për ata që nuk e pëlqejnë fort brokollin. Madje, kjo recetë asht idealja me u përgatitë nëse ke fëmijë t’cilët janë ma “zgjedhës n’ushqim” dhe nëse je ka tenton me i ushqy ata shnetshëm. E po i ndjeke udhëzimet tona – rezultatin e ke t’garantum.
PËRBËRËSIT:
150 gr gjalpë
1 e 1/2 brokolli (i copëtuar)
1 qepë (e grirë)
2 trupa selino (t’grira)
4 lugë gjelle miell
4 gota supë (4 gota ujë + 2 kubëza vegjetariane)
1/2 gotë krem-qumësht
Kripë dhe biber i zi (Opsionale)
Mundesh me e lexu edhe…
HAPI 1:
N’tenxhere t’nxehtë shto gjalpin. Sapo gjalpi t’shkrihet shto qepën, copëzat e selinos dhe brokollit dhe kavërdisi perimet për 5 minuta.
HAPI 2:
Sipër perimeve shto miellin dhe përziji perimet mirë. Shto supën e përgatitun me kubëza supe gradualisht dhe përzije vazhidmisht masën, deri sa mielli t’fillojë me u shpërba. Ziji perimet për 15 minuta n’temperaturë mesatare.
HAPI 3:
Me blender mobil bluje masën n’tenxhere, ose, po nuk pate blender mobil, vendose masën n’blender t’zakonshëm dhe bluje deri sa t’krijohet nji sasi e njitrajtshme. Ktheje masën prap n’tenxhere.
HAPI 4:
Shto krem-qumështin dhe përzije masën mirë. Zije supën për 2 minuta t’tjerë, largo prej furrës dhe servo.
REZULTATI:
Servoje supën me pak krem-qumësht sipër. Shoqnoje supën me pak bukë, keksa t’njelbët apo edhe me krutonë (bukëza t’rreshkuna) për ekstra shije. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me domate, supën me speca t’kuq, ose supën marokane me thjerrëza dhe perime – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
