Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Kubëzat e viçit me gjalpë hudhre janë pikërisht nji prej recetave ma t’thjeshta e t’lehta t’cilat munden me u përgatitë dhe me u kombinu me ushqimet e tjera t’përgatituna. Thjeshtë, mirë dhe me pak përbërës, këto kubëza kanë me ta ndreçë secilën drekë a darkë brenda pak minutave.
PËRBËRËSIT:
1 kg tul viçi (i prerë n’kube)
40 gr gjalpë
6 lugë gjelle vaj ullini
4 thelpinj hudhre (t’grira)
1 lugë çaji kripë
1 lugë çaji biber i zi
Magdanoz i grirë (Opsionale për servim)
Mundesh me e lexu edhe…
HAPI 1:
Nxeje tiganin mirë dhe shto vajin. Shto mishin dhe kavërdise për 10 minuta.
HAPI 2:
Shto erëzat, gjalpin dhe hudhrat e grira e kavërdise mishin për 10 minuta t’tjerë. Largo nga tigani dhe servo me pak madganoz t’freskët sipër.
REZULTATI:
Servoji kubëzat e viçit me oriz, patate me lulelakër n’tavë, patate t’ambël t’pjekun, ose perime t’pjekuna n’furrë.
Njilloj sikurse edhe shnicllet gjermane t’pulës, kjo recetë asht ideale për çfarëdo lloj rasti; qoftë drekë, darkë, ndonji ndejë ma speciale. Ti madje mundesh nji shujtë me e kompletu me kubëzat e viçit bashk me kuskusin me kastraveca e limon, kuskusin mediteran, sallatën me lakër t’kuqe, ose sallatën mediterane me lakër t’bardhë për ekstra shije
E masi veç jemi te recetat interesante me mish viçi, mos e le pa e provu edhe kungulleshat e mbushuna me mish viçi, apo edhe fajitat meksikane me mish viçi dhe perime – receta këto që asht gjynah me t’ikë pa i provu. Shijo! /Katror.info
Përgatiti:
