E ka njeri nganjiherë nji fazë ku priton me dal t’premten nëpër kafiqa. Javët shpesh po janë t’stërngarkume me angazhime prej ma t’ndryshmeve edhe nime kur po bahet e premte, menzi po pret me pushu n’shtëpi. Ama kjo nuk do me thanë që ke nevojë me e ndërpre hobin tand – hejën e pijen – përkundrazi, qejfin vehtës duhesh me ditë me ja ba edhe n’shtëpi, besa mundesh me i thirrë shoqninë e ngushtë me t’ba shoqni e me ja shtre llafit për qejfi.
Nëse ke merakme përgatitë ushqim – sidomos meksikan, por edhe me provu receta t’koktejeve t’ndryshme, atëherë ky artikull asht ideal për ty, meqë kësaj radhe po i ndajmë udhëzimet për nji prej antipasta-ve/mezeve ma t’famshme e ma t’pëlqyshme meksikane; nachos meksikan. Meze kjo fort e lehtë me u përgatitë e servu gjatë netëve kur priton me dal, por ke merak me pi.
PËRBËRËSIT KRYESOR:
3 lugë gjelle vaj ullini
500 gr mish i bluar viçi
2 lugë gjelle biber i kuq (pikant)
2 lugë çaji kurkumë / shafran
1 lugë çaji kripë
¼ lugë çaji piper i zi
1 qese e madhe (350 gr) çipsa tortille
200 gr pasul i kuq (i konservuar)
150 gr kashkavall (i grirë)
1 gotë salsë meksikane pikante
PËRBËRËSIT PËR SERVIM:
60 gr salcë kosi / shmand
3 qepë t’reja (t’prera n’rriska)
1 spec jalapeño / spec pikant (i prerë n’rriska)
2 avokado (t’prera n’kubëza)
2 limeta (t’prera n’rriska)
Mundesh me e lexu edhe…
HAPI 1:
N’tigan shto vajin dhe mishin e bluar e kavërdise atë për 7 minuta/ Pastaj shto erëzat dhe kavërdise mishin deri sa t’i shterrojë uji tanësisht.
HAPI 2:
Paraprakisht nxeje furrën n’1800 C e pastaj n’tepsi t’madhe vendos folie alumini dhe sipër shto çipsat e tortillës. Vendos pasulin e kuq sipër çipsave dhe sipër shto kashkavallin.
HAPI 3:
Vendose tepsinë n’furrë dhe pjeki nachos deri sa t’shkrihet kashkavalli mirë – dikund 5 deri n’7 minuta. Largoje tepsinë prej furrës, shto sipër copëzat e avokados, rriskat e qepëve t’reja dhe specit pikant bashk me rriska limete.
REZULTATI:
Kuptohet që salsa-n meksikane dhe salcën e kosit poashtu i shton para servimit t’nacho-ve. E për me i dhanë edhe ma shumë hijeshi vikendit – mos e le pa i shoqnu këto nachos me 1 koktell tipik meksikan sikurse asht “Strawberry Margarita” e që definitivisht nuk ke me i ra pishman po e përgatite.
E n’e paqe nda mendjen me eksperimentu me pije e kokteje, përpos këtij koktelli plot shije, t’i mundesh me e përgatitë edhe koktellin e njohun si “Amaretto Sour”, koktellin “Vodka Pineapple” apo edhe nji Gin ‘n’ Tonic sipas recetës sonë klasike.
Por mbasi veç jemi tek kuzhina meksikane, mëso 6 fakte interesante për kuizinën meksikane si dhe 4 fakte t’padëgjume për Tequila-n. Njilloj sikurse për tequila-n, mundesh me mësu se cilat janë 5 faktet ma interesante për Vodkën – pijen e famshme ruse. E nëse ke qejf e je merak edhe n’verë, këtu i gjenë edhe 5 fakte interesante për verërat. Ndërsa, me patjetër ta rekomandojmë me kuptu ma shumë rreth 7 fakteve ma interesante për meraklitë e birrave. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
