Sa ma shumë që fillon me konsumu smoothie, aq ma shumë nisë me lypë shije t’reja. E ne jemi gjithnjë për eksperimente. Recetat tona e dëshmojnë këtë vazhdimisht, sidomos ato t’smoothie-ve, e do ta dëshmojë edhe receta jonë e radhës e cila i dedikohet meraklive t’pijeve e ushqimeve tropikale/ekzotike.
Smoothie tropikal me mango dhe karrotë asht nji prej kombinimeve ma t’lehta e ma t’mira për smoothie, veçanarisht nëse ke merak n’shije ma ekzotike. Plus, kjo recetë asht tanësisht vegane e i përshtatet edhe atyre që janë vegan, kanë intolerancë ndaj laktozës dhe nuk përdorin qumësht.
PËRBËRËSIT:
1 e 1/2 karrotë (e prerë)
100 gr mango (e ngrirë)
1 mollë (e prerë)
1/2 gotë ujë
1/4 lang limoni / 2 lugë gjelle
1/2 lugë çaji xhenxhefil (i prerë) – Opsionale
PËRGATITJA:
Shto të gjithë përbërësit n’blender. Bluje masën deri sa t’bahet e njitrajtshme dhe servo n’gotë.
Mundesh me e lexu edhe…
REZULTATI:
Servo smoothie-n n’gotë, dekoroje me gjethe t’freskëta magdanozi dhe rriskë karrote e konsumo menjiherë, ose fute n’shishe xhami n’frigorifer e konsumo brenda 3 ditëve. Ngjashëm ti mundesh me e përgatitë edhe smoothie-n klasik me mango dhe karrotë – po pate qejf n’smoothie pak ma t’ambël sesa kjo.
E kurdo të t’kesh kohë ne t’rekomandojmë me e provu edhe mos e le pa e provu edhe smoothie-n me boronica dhe mango, ose smoothie-n me dardhë dhe mango – ku secila prej këtyre kombinimeve shijon shumë, asht ushqyese dhe përgatitet n’dakik. Ndërkaq për nji ditë super-energjike, smoothie me gjalpë kikiriku e banane asht kombinimi që s’ban me t’ikë pa e provu. Shijo/ katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
