E ka njeri nganjiherë nji fazë ku priton me dal vikendeve. Biles, tash që asht ba tepër nxehtë e zheg, po e ka lezetin e vet me ndejtë përgjatë mbarmjeve n’ballkon a n’oborr, me ja shtre muhabetit me pak meze e pije bashk me njerëzit ma t’dashtun. Kështu, ndejat e mbledhitë me ushqim, meze e pije e kanë lezetin e vet, veçanarisht tash që edhe kurbetqarët na kanë ardhë dhe i gëzohemi edhe pranisë t’tyre.
Idetë e ndryshme për ushqim, servim dhe dekorim t’pjatave janë element i randësishëm i cilësdo festë a mbledhi. Kujdesi për detaje, servim e dekorim asht hap i randësishëm dhe që e ban diferencën n’raste ma speciale. E që nuk don diskutim sa e randësishme asht nji meny e begatume dhe e kurume mirë, n’veçanti kur fton ma tepër njerëz dhe je n’hall se kujt çka mundet me i shiju.
N’qoftë se je ka e organizon nji mbledhi tropikale / verore dhe je n’kërkim t’recetave e t’pjatave interesante dhe unike si n’shije ashtu edhe n’pamje, atëherë qe ku t’i kemi mbledhë idetë ma t’mira t’mundshme n’nji artikull t’vetëm dhe ta kemi shpjegu se qysh mundesh secilën prej tyre me e realizu – e suksesin po i ndoqe udhëzimet tona e ke t’garantum.
1. Pjatë tropikale me salsa dhe tortilla meksikane
Frutat e perimet e freskëta padiskutimisht i japin lezet verës dhe e bajnë at’ ma t’përballueshme. Kështu, recetat meksikane e havajane padiskutimisht kanë shumë çka me i ofru menysë, veçanarisht menyve tropikale. Kësisoji, ti mundesh me e kriju nji salsa tropikale me perime, avokado, ananas, mango e dredhëza t’grira imët e me e shoqnu n’trup t’ananazit, duke ja bashkangjitë edhe çipsat e tortillës për ekstra shije. Biles, mundesh me u inspiru edhe prej salsa-s meksikane t’misrit, ose salsa-s me dredhëza dhe avokado.
Mundesh me e lexu edhe…
2. Shkoptha pjepni me proshutë
“Prosciutto di melone” ose n’shqip e njohun si pjepën me proshutë padiskutimisht asht nji prej recetave ma t’famshme e ma t’përdorshme t’kuzhinës italiane përgjatë sezonës verore, por edhe asaj mediterane e që zakonisht shërbehet si paragjellë apo shoqnuese e aperitivëve sikurse Aperol Spritz-i, Campari Spritz-i etj, por edhe verërave t’ndryshme. Këto n’veçanti përgatiten dhe servohen gjatë ditëve t’nxehta t’verës, njilloj sikurse edhe sallata kapreze dhe nuk marrin kohë ma shumë se 2 minuta me u përgatit’.
3. Panzanella
Panzanella asht nji prej atyne sallatave krokante, t’ambla, acidike e freskuese që ja vlenë me e përgatit’ e servu kur ke mysafir dhe ke qejf me i mahnitë me shije t’panjohuna. Kështu, ti mundesh lehtësisht brenda pak minutave me e pas’ hazër sallatën që n’vehte i ka t’gjithë përbërësit e nji vakti t’shijshëm mediteran, pa u lodhë shumë dhe pa harxhu shumë harxh.
4. Pjatë karkalecash me hudhër dhe limon
Pjata e karkalecave me hudhër dhe limon asht prej atyne recetave klasike t’frutave t’detit, që mundet me u shoqnu lehtësisht si starter qoftë n’shkoptha skare, qoftë me brusketa e pse jo edhe me ndonji pastë. Megjithatë, për festën e beqarisë ta rekomandojmë me i përgatitë ato n’shkopinjë druri e me i servu me rriska limoni për ekstra shije, por edhe ekstra pamje.
5. Sallatë bostani me djathë feta
E ku kalohen ditët e mbramjet e nxehta pa bostan? – S’kalohen de. Qata edhe jemi siguru që kësaj feste verore me t’rekomandu me ja bashkangjitë edhe nji pjatë bostani, por pak ma ndryshe seç jemi mësu me e konsumu, meqë e ambla e bostanit kombinohet shumë mirë me t’njelbëtën e feta-s, por edhe me krokanten e kastravecave dhe qepëve. Kështu, n’t’e paçe sos’ me provu diçka t’re e interesante, mos e le pa e përgatit’ sallatën e bostanit me djathë feta; sallatë kjo që jemi t’bindun kanë me ta pëlqy edhe mysafirët.
6. Brusketa klasike me domate
Asht e kuptushme që n’tan’ këtë zheg, shumica nuk munden me hangër ushqime t’randa e zakonisht janë n’kërkim t’ushqimeve t’lehta për organizmin. Prandaj edhe po t’rekomandojmë me përgatit’ brusketa – meqë shumica edhe i njohin dhe pëlqejnë si shije, edhe janë t’lehta me u përgatit’ dhe nuk dojnë fort harxh – por suksesshëm dhe pa pikë dyshimi kanë me u hangër sa hap e mbyll sytë.
7. Sallatë patatesh
Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata e patateve me sos mustarde – sallatë kjo që asht ideale me u servu e ftohtë n’evente e mbledhi vere, meqë përveç që shijon dhe asht e lahtë me u përgatit’, nuk e randon as lukthin dhe mundet me u servu si ushqim shoqnues me pjata t’tjera ku secili merr çka t’don vet.
8. Perime n’skarë
Rekomandimi për me përgatitë perime n’skarë vlenë veç për ata që kanë oborr dhe kanë mundësi me e dhezë skarën, meqë asht problem n’ballkon me e ba nji gja t’tillë. Megjithatë, nëse ke qejf me e ba nji gatesë t’tillë n’banesë, mundesh n’furrë ose n’tigan me i pjekë perimet me po t’njejëtën recetë, sepse vërtetë përgatitja e perimeve asht super e lehtë dhe kombinohet fort mirë edhe me pjata t’tjera, sikurse janë sallatat e patateve.
9. Raspberry Vodka Spritz
Nëse ndejën je ka planifikon me e mbajt’ n’rehatinë e flladin e ballkonit a oborrit, por edhe je n’disponim me përgatit’ koktella e pije t’ndryshme për mysafirët, atëherë ja vlenë me e përgatit’ nji shpicer t’ftohtë e plot shije, sikurse asht Raspberry Vodka Spritzer-i; pije kjo që i shkon shumë drekave e darkave tropikale, po aq sa edhe koktelli i njohun si Vodka Pineapple, t’cilin mundesh me e përgatit’ n’kushte shtëpije brenda pak minutash.
10. Limonatë
Jo çdokush pin alkool dhe asht ma se e kuptueshme që duhet me ju ba zgjidhje krejt mysafirëve, veçanarisht nëse ke mbledhë numër ma t’madh njerëzish. Mirëpo, kjo nuk do t’thotë që me hjekë dorë prej elegancës dhe shijeve interesante t’cilat mundesh me i ofru. Kështu, limonata klasike apo mentë-limonata janë alternativa praktike, por edhe shumë origjinale me ofru pije interesante pa u mundu shumë.
Pavarësisht se çka vendosë me provu e gatu, ne urojmë që n’fund ti e t’tjerët me u nda t’kënaqun. Mos harro që me randësi asht n’fund t’fundit ti me kalu mirë bashk me mysafirët dhe me investu n’mirëpritje, muhabet e atmosferë t’mirë. Kujdes mos përgatit edhe tepër shumë ushqim e me t’shku dam – andaj, mos ha me sy, por mendo mirë për racionet që i servon. Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
