Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E ne nuk ishim kanë katrorisë e specialistë t’shijes, sikur t’mos gjenim edhe kombinime ndryshe t’specialiteteve që tashma secili i njeh – nj’ashtu siç t’i patëm gjetë 3 super kombinime t’fajitave meksikane. E kësaj radhe po ja shtojmë listës edhe nji kombinim interesant, por jo meksikan.
Quesedillas me thjerrëza dhe perime janë nji kombinim interesant t’cilat mundesh brenda pak minutave me e pasë hazër, veçanarisht nëse je lodhë n’punë e je t’u pritu me gatu diçka ma t’komplikume. Gati n’2 hapa super t’thjeshtë, këto delikatesa n’petë janë fort t’përshtatshme me u servu qoftë për drekë, darkë a meze.
PËRBËRËSIT (3 servime):
6 petë t’vogla tortille
1 gotë thjerrëza t’gjelbërta (t’ziera me kripë)
1 karrotë (e grirë n’rende)
1 grusht spinaq (i grirë)
2 lugë gjelle salsa pikante meksikane
200 gr kashkavall (i grirë)
Kripë dhe biber i zi (Opsionale)
HAPI 1:
N’nji enë t’thellë shto perimet, thjerrëzat e ziera dhe salsën pikante bashk me erëza e përzije masën mirë. Shto edhe kashkavallin e grirë e prap përzije masën.
Mundesh me e lexu edhe...
HAPI 2:
Vendose njanën petë n’tigan e mbuloje me fillin e krijum. Shto sipër edhe 1 petë tortille dhe pjeke secilën anë nga 3-5 minuta, deri sa petët t’rreshken mirë. T”njejëtin hap përsërite edhe me petët e tjera e pastaj preji n’trekandësha dhe servo.
REZULTATI:
Specialitetet meksikane vështirë se paramendohen t’servume pa ndonji salcë kosi dhe pa salcë pikante. Andaj edhe këtë pjatë, njilloj sikurse edhe quesedillas me pasul dhe spinaq dhe quesedillas me pasul dhe kashkavall po ta sygjerojmë me e shoqnu me salsën meksikane – salcë kjo që e ban edhe ma t’parezistushme e t’shijshme këtë delikatesë. E ma e mira e krejt kësaj salce asht që mundesh me e përgatitë n’1 hap t’thjeshtë me pak përbërës t’freskët. E meqë veç ra fjala te ushqimi i djegëst, a e ke ditë që me 16 janar shënohet dita ndërkombëtare e ushqimit pikant, a jo?
E n’ndërkohë që e shijon këtë kombinim Meksikan, mësoji se cilat janë 6 faktet ma interesante për kuzhinën meksikane që nuk i ke ditë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
