Shumica prej nesh, me shumë t’drejtë, i kritikojmë rrjetet sociale për mungesë t’përmbajtjeve edukative e informuse edhe harrojmë që bashk me trendet “virale” t’Tik Tok-ut e që s’janë fort t’frytshme, ka edhe trende e ide interesante t’cilat munden me na hy n’punë për t’mirë – sidomos n’kuzhinë. E këtë e dëshmojnë recetat virale t’sallatave unike.
Kur flitet për sallata, zakonisht mendohen disa lloje t’cilat nuk llogariten si pjata kryesore, meqë zakonisht nuk janë ngopëse. Mirëpo, ne jemi këtu për me ta dëshmu t’kundërtën; jo me 1 sallatë, as 2, por me 4 super-sallata t’cilat janë sa t’mira n’shije, aq edhe unike e ngopëse. Mjafton me kliku n’fjalët e hijezume që me hy direkt n’linkun e secilës sallatë ndamas.
1. SHIRAZI – SALLATA PERSIANE
Sallata Shirazi, ose ndryshe e njohun sikur sallata e thjeshtë persiane, asht nji prej sallatave që s’voni asht ba virale nëpër rrjetet sociale, pikërisht sepse ka thjeshtësinë e sallatës mediteriane, por edhe origjinalitetin e kuzhinës t’lindjes t’mesme, meqë ashtë pak më barishtore. Krejt çka e ban këtë sallatë interesante asht fakti që n’nji kafshatë i gjenë t’gjitha shijet – pikërisht sepse, perimet janë t’grira imët. 5 minuta, 2 hapa super t’thjeshtë edhe 1 thikë e mprehtë mjaftojnë që ti me përgatitë sallatën persiane, pa u lodhë shumë, por t’u e shiju tepër.
Mundesh me e lexu edhe…
2. KUSKUSI – SALLATA MEDITERANE
I shijshëm, i lehtë e i mbushun plot vlera ushqyese, kuskusi mediteran asht këtu për me ju bashkangjitë përjetësisht tryezave t’gurmanëve. Kjo super sallatë asht prej atyne që edhe t’kënaqin, edhe t’ngijnë, por as nuk dojnë shumë punë.
3. PANZELLA – SALLATA KROKANTE TOSKANE
Që s’ke nevojë me lanë bukën me t’shku posht e dëshmon pikërisht sallata italiane e njoftun si Panzella Toskane. E lehtë me u përgatitë e e freskët prej perimeve, kësaj sallate hijeshinë e veçantinë ja shtojnë kubëzat krokantë t’bukës bajate – e që nime e bajnë diferencën. Jo badihava italianët njihen për delikatesa, sepse, dorën n’zemër – me pak harxh dijnë me nxjerrë nji pjatë perfekte – e Panzella asht e tillë.
4. COWBOY CAVIAR – SALLATA E KAUBOJËVE T’TEKSASIT
Cowboy Caviar, asht sallata e famshme e virale e Tik Tok-ut e cila asht ba e virale për faktin se ka shije e përbërës interesant, por edhe ta mundëson që n’nji kafshatë t’vetme me i pasë t’gjithë përbërësit. Krejt kjo falë metodës që përdoret për me e përgatitë këtë sallatë, e që asht prerja e perimeve n’kubëza t’imët. Pra, sallata nuk don shumë punë, por don merak.
Besojmë që këto sallata shkojnë shumë edhe nëse ke me përgatitë ushqim për ma shumë njerëz edhe jemi t’bindun që kanë me ju pëlqy shumë, sepse pos që janë t’lehtë me u përgatitë, dallojnë prej sallatave t’tjera dhe i japin laryshi tryezës. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
