Kur bahet fjalë për receta t’mira e t’shijshme, recetat tona e kanë dëshmu tashma që shijet inovative me përbërës interesant duhet me u provu t’paktën 1 herë që me u gjyku mandej. Kështu ne vazhdimisht përpiqemi me identifiku pjata interesante e që lehtësisht mundesh me i përgatitë, pa pasë nevojë me kalu shumë kohë n’kuzhinë, Ama kësaj radhe po shkojmë me nji pjatë t’thjeshtë, por shumë simpatike.
Shijen meksikane mundesh me e pru n’cilëndo pjatë a tryezë nëse e përgatitë trëndafil-sallatën me avokado dhe domate; sallatë t’cilën e ke gati n’dakik. As kohë e as mund nuk t’merr me e përgatitë, ama shijen ta ofron menjiherë, biles edhe synin ta kënaqë.
PËRBËRËSIT:
3 domate (t’prera n’rriska t’përgjysmume)
1 avokado (e prerë n’rriska t’përgjysmume)
1/2 qepë (e prerë n’fije t’holla)
1/4 tufë magdanozi
2 lugë gjelle uthull molle
2 lugë gjelle vaj ullini
Kripë (Opsionale)
Mundesh me e lexu edhe…
PËRGATITJA:
Merr nji pjatë dhe fillo krijo nji rreth me rriska t’domateve. Pasi ta kesh përfundu rendin e parë, sipër shto qepët dhe krijo nji rreth pak ma t’vogël prej rriskave t’avokados. Kështu, sipër secilit rreth, vazhdo me vendosë perimet e radhës deri sa t’arrijsh’ n’qendër t’pjatës dhe deri sa sallata ta marrë formën e nji trëndafili. Shto kripë dhe gjethe magdanozi sipër, e pastaj spërkate sallatën me uthull dhe vaj ullini. Servo menjiherë.
REZULTATI:
Servoje trëndafil-sallatën me avokado dhe domate si paragjellë bashk me copëza tortille t’pjekuna, apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Ti poashtu mundesh sallatën me ua bashkangjitë nachos-ve, torillave meksikane t’mëngjesit, fajitave t’pulës, fajitave me mish viçi dhe perime, apo enchiladave prej kungulleshe e kënaqu t’u hangër e t’u i shiju këto delikatesa meksikane, për t’cilat ti mundesh me i mësu edhe disa fakte interesante.
E meqë jemi tek recetat me avokado e ato meksikane, mos e le pa e provu edhe salsa-n meksikane me avokado dhe karkaleca, e pa mësu se cili është qyteti meksikan që prodhon salcën masive me avokado dhe pse. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
