Ne kemi ra në përfundim që me dinamikën n’t’cilën po jetojmë, recetat e lehta dhe t’shpejta e me pak përbërës janë çelësi për me e kriju nji rutinë t’mirë e n’t’cilën arrijmë me përgatitë ma shpesh, me hangër ma mirë dhe me e kursy kohën e paret që i kishim shpenzu jasht.
Pasta me tomatina t’pjekuna asht super receta që n’2 hapa fort t’thjeshtë mundesh me e përgatitë, e që jemi t’bindun që nuk ke me dal i/e zhgënjyer. E se çka, qysh e tek nevojitet për këtë pjatë plot shije, e tregojnë udhëzimet e maposhtme.
PËRBËRËSIT (SERVIM PËR 4):
1 paketim shpageta (linguine)
300 gr tomatina
5 lugë gjelle vaj ullini
6 thelpinj hudhër
1 lugë çaji oregano
1 lugë çaji kripë
Biber t’zi ose biber me fara speci (Opsionale)
1 tufë borzilok
HAPI 1:
Shto pastat me u zi me ujë e kripë, kurse n’1 tepsi xhami shto tomatinat, hudhrat, vajin e erëzat e futi për pjekje për 12 minuta n’200 C. Pra, aq kohë sa zihen edhe pastat, aq kohë duhet të piqen edhe tomatinat.
Mundesh me e lexu edhe…
HAPI 2:
Kulloji pastat pasi t’jenë zi. Largoje tepsinë me tomatina prej furrës e shtoja sipër pastat. Përziji mirë pastat me tomatinat dhe servo n’pjatë me pak borzilok t’freskët sipër. Po deshe, shto edhe parmezan.
REZULTATI:
Këto pasta janë ideale për drekë ose darkë dhe shkojnë shumë me nji gotë verë.
E mbasi veç jemi tek pastat, këtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije, por edhe recetën e shpagetave vegjetariane. Mjafton me kliku sipër fjalëve t’hijezume. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
