Nëse deri tash nuk t’ka rastisë me ra n’supë t’gjelbër plot shije e vlera ushqyese – sot koka dita që paske me ra n’to – po e provove. Bahet fjalë për 1 prej supave ma t’thjeshta e ma t’lehta “green” e detoksifikuese t’cilat mundesh me i përgatitë.
Nëse je prej tipave që nuk i kanë merak perimet e gjelbërta, por e din se ke nevojë me e pajisë organizmin me vlera ushqyese – atëherë njoftohu me recetën ma t’shijshme t’supës kremoze me selino – supë kjo që lirisht mundet me u konsideru si nji prej supave ma t’lehta e ma t’shpejta me u përgatitë e që sigurtë nuk dështon kurrë me t’kënaqë. Mjafton me ja ba pak hyzmetin edhe për 25-30 minuta e ke gati.
PËRBËRËSIT:
2 lugë gjelle gjalpë
1 qepë (e grirë imët)
2 trupa selino (t’grira hollë)
1/3 gotë miell
4 gota supë vegjetariane (4 gota ujë i vluar dhe 1 kubëz vegjetariane)
1/2 gotë krem-qumësht
1 lugë çaji kripë
1 lugë çaji biber i zi
Krutonë (Opsionale)
HAPI 1:
Shto qepën dhe selinon e grirë imët n’tenxhere dhe kavërdisi për 7 minuta n’gjalpë, duke i përzi vazhdimisht. Shto miellin, kavërdise masën për 2 minuta duke e përzi vazhdimisht atë.
HAPI 2:
Shto erëzat bashk me supën e krijume me kubëz supe dhe leje masën me u zi për 20 minuta. Përzije masën kohë pas kohe.
HAPI 3:
Vendose masën n’blender e bluje mirë deri sa t’krijohet nji konsistencë e njitrajtshme. Ktheje supën e bluar n’tenxhere.
HAPI 4:
Shto krem-qumështin sipër supës, përzije mirë dhe leje supën me u zi për 2-3 minuta t’tjerë. Largo prej shporetit dhe servo.
REZULTATI:
Servoje supën n’pjata e shtoji pak gjethe t’prera selinoje sipër. Shoqnoje supën me pak bukë, keksa t’njelbët apo edhe me krutonë (bukëza t’rreshkuna) për ekstra shije. Ndërkaq, pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron e ngranshme për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë me përgatitë supën me karrota dhe xhenxhefil, supën me speca t’kuq – supë kjo që nuk besojmë ta kesh provu deri më tash. E edhe supa me patate t’ambël, asht prej atyre supave që s’ban me t’ikë pa e provu. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
