Ne po provojmë vazhdimisht me t’njoftu me recetat ma t’mira e ma me shije që i dijmë e që besojmë munden me t’ndihmu me kriju shprehi t’mira t’t’ushqyerit. Andaj edhe shumë shpesh vijmë me receta prej ma t’ndryshmeve për smoothie; t’cilat po pëlqehen prej shumë lexuesve, dhe me t’drejtë. E sot po t’njoftojmë me nji super-kombinim.
Boronicat janë nji prej frutave t’malit t’cilat ‘pos shijes t’veçantë, njihen edhe si super-ushqim, meqë janë t’ulëta n’kalori, e t’mbushuna me vlera ushqyese. Ato poashtu janë nji anti-oksidant natyral dhe ndihmojnë n’parandalimin e plakjes, shfaqjen e kancerit si dhe e ulë shtypjen n’gjak. Mirëpo a e ke provu me i kombinu boronicat me kungullesha n’smoothie? Nëse jo, ne po i ndajmë udhëzimet e maposhtme me shpresën që ke me e provu super-smoothie-n me boronica dhe kungulleshë.
PËRBËRËSIT (Servimi për 2):
150 gr boronica
1 kungulleshë (e prerë n’copa)
1 grusht spinaq
1 trup selino (i prerë n’copa)
1 banane (e prerë n’copa)
1 gotë qumësht bademash
1 lugë gjelle fara liri (t’bluara)
PËRGATITJA:
Shto t’gjithë përbërësit n’blender e bluji për 3 minuta, deri sa t’krijohet nji masë e njitrajtshme dhe t’jenë shpërba edhe grimcat e farës t’lirit.
Mundesh me e lexu edhe…
REZULTATI:
Servo n’gotë e pije menjiherë, ose vendose smoothie-n n’shishe xhami, fute n’frigorifer e pije gjatë 2 ditëve t’ardhshme. Mjafton me e shkundë pak shishen para se me pi smoothie-n. Biles, njilloj sikurse edhe smoothie-n me dredhëza dhe kungulleshë, ti mundesh këtë smoothie me ja bashkangjitë shujtave t’mëngjesit ose t’pauzës t’drekës – omleti i mbështjellun me perime, tortilla vegjetariane e mëngjesit, ose kutia e pauzës me petulla amerikane dhe parfait frutash janë veç disa prej rekomandimeve t’tona. Madje, këto rekomandime mundesh me ja përgatitë qoftë vehtës për mëngjes a pauzë, qoftë fëmijëve për shkollë.
Gjithashtu, për mëngjese plot shije e vlera ushqyese, ti mundesh me e nisë ditën edhe me 1 prej 4 pjatave me jogurt dhe fruta, ose me 1 prej 4 recetave t’shnetshme për mëngjes. Shijo! /katror.info/
Përgatiti:
