Krutonët; bukëzat e rreshkuna për supa e sallata, gati për 10 minuta

Buka kryeson listën e ushqimeve ma t’çume dam n’shumë shtete t’botës. E krejt, përfshirë edhe vehten, jemi bashkfajtorë n’këtë gja; disa kemi ble bukë por nuk e kemi hangër, ose kemi ble edhe ne edhe dikush tjetër n’shtëpi dhe ka tepru shumë, ose – thjeshtë nuk e hajmë ma bukën e cila bahet bajat. Mirë asht me reflektu e me kuptu që t’çumit dam e cilitdo produkt asht e damshme për xhepin, planetin dhe tregon mos-mirënjohjen tonë ndaj begatisë që e kemi. Megjithatë, ndonjëherë, kjo asht ma e lehtë me u thanë sesa me u ba. Për këtë arsye ne kohë ma parë i patëm listu 5 këshilla e ide se çka me ba kur t’tepron bukë.

Krutonët apo ndryshe bukëzat e rreshkuna janë zgjidhja ideale për shfrytëzimin e bukës bajate, meqë lehtësisht copëzat e bukës bajate munden me u kthy n’ushqim krokant e që i jepin shije supave dhe sallatave t’ndryshme. N’pak hapa e n’10 minuta, ti mundesh me i pasë krutonët gati për cilëndo pjatë që dëshiron.

PËRBËRËSIT (servimi për 4 shujta):

4 rriska bukë bajate
1 lugë gjelle vaj ullini
1/4lugë çaji kripë
Biber i zi (Opsionale)
1/4 lugë çaji hudhër pluhun
1/4 lugë çaji oregano

HAPI 1:

Preje bukën n’rriska mesatarisht t’trasha.

HAPI 2:

Preji rriskat n’kubëza mesatarisht t’mëdha.

HAPI 3:

Vendosi copëzat e bukës n’nji enë t’thellë e shto vajin dhe përziji mirë.

HAPI 4:

Shto erëzat dhe përziji copëzat e bukës me vaj dhe me erëza mirë.

HAPI 5:

Shtriji copëzat n’tepsi t’cilën paraprakisht e ke nxe n’150 C. Leji me u pjekë për 5 minuta. Rrrotulloji/përziji copëzat dhe pjeki për 5 minuta t’tjera n’120 C.

REZULTATI:

Largoji prej furrës, leji me u ftohë pak e servo qofë me supë, apo sallatë.

SHEMBULLI 1:

Krutonët jaë ideal për sallatën cezariane apo për sallatën toskane t’njohun si Panzanella. Kjo s’do me thanë që nuk mundesh me ekperimentu edhe me receta t’tjera.

SHEMBULLI 2:

Supës me domate i shkojnë shumë krutonët, po aq sa edhe supës me kungulleshë dhe parmezan, supës me speca t’kuq e supës me karrotë dhe xhenxhefil. E njëlloj sikurse edhe me krutonët n’sallatë; nuk ke nevojë me e reduktu përdorimin e tyre veç n’këto rekomandime. Përgatit çfarëdo supe e shijoje me krutonët krokantë pa pikë problemi. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria