A ke ra n’hall se çka me marrë me vehte n’punë ose çka me ju përgatitë fëmijëve për shkollë, sepse edhe ushqimi i gatshëm ju asht ba bajat? A je ra n’hall çka me përgatitë që asht sa e shnetshme, po aq e shijshme dhe e lehtë? Mos u merakos, sepse ne e kemi nji super ide se çka mundesh me përgatitë.
Kuti pauze me perime dhe sos humusi asht sygjerimi jonë për kando që don me u ushqy mirë, shnetshëm e pa u lodhë shumë n’përgatitje t’shujtave. Andaj, edhe ky sygjerim asht ma i lehtë se e lehta. Këtë e dëshmojnë udhëzimet tona t’maposhtme.
PËRBËRËSIT (1 servim):
1 karrotë (e prerë n’fije)
1 spec i verdhë ( prerë n’rriska)
1 spec i kuq (i prerë n’rriska)
100 gr lakër e kuqe (e prerë n’fije)
70 gr bizele t’ziera (t’prera n’copa)
1 lugë gjelle humus
1 lugë e mesme jogurt
1 lugë e mesme lang limoni
1/4 lugë çaji kripë
1/4 lugë çaji biber me fara speci
Mundesh me e lexu edhe…
PËRGATITJA:
Zieji bizelet n’ujë me kripë për 5-7 minuta. Kulloji dhe shpërlaji me ujë t’ftohtë e pastaj shtoji n’kutinë e pauzës. Shto fijet e lakrës dhe karrotës bashk me rriskat e specave n’kuti. Merr humusin, jogurtin dhe përzije me kripë, lang limoni dhe biberin me fara speci e vendose n’kuti t’vockët për sos. Mbylle kutinë e fute n’frigorifer. dhe kurdo që untohesh nxjerre dhe haje – nuk ke nevojë me e nxe pjatë fare, meqë hahet e ftohtë.
REZULTATI:
Ti mundesh t’njejëtën përgatitje me e ba edhe për fëmijët e me ua dhanë për shkollë, ose me përgatitë shujtën e njejtë për 2 ditë rreshtazi dhe me e rujtë n’frigorifer pa problem. Poashtu, nëse je n’kërkim t’ideve t’tjera për shujta t’shnetshme e t’përshtatshme për pauzë, mos e le pa e provu edhe kutinë e pauzës me ve, rrush dhe gjalpë kikiriku, kutinë e pauzës me ve dhe jogurt frutash, apo edhe kutinë e pauzës me perime dhe sos tzaziki. T’gjitha këto receta janë t’shnetshme, t’lehta me u përgatitë, plot vlera ushqyese e fort t’shijshme.
Poashtu, mundesh këtë shujtë me e shoqnu me nga nji supë apo smoothie, që me qëndru i/e ngopun për ma gjatë. N’rast se dëshiron me përgatitë ndonji supë, përgatite supën me kungulleshë dhe parmezan, apo edhe supën virale me domate. Kurse nëse je ma tepër kah anon për smoothie, ne ta rekomandojmë smoothie-n me mango dhe ananas, apo smoothie-n me shegë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
