Recetat e lehta e t’shpejta sikurse janë receta e supës me kungulleshë dhe parmezan, apo receta e supës me karrotë e xhenxhefil, që i patem përzgjedhë kohë ma parë, na ofrojnë mundësi me ba përzgjedhje t’shëndetshme ma shpesh, por edhe ekonomike – meqë maksimalisht po mundohemi me gjetë receta t’lira e t’mira.
Me supën marokiene me thjerrëza dhe perime ne jemi mundu që kësaj here me t’ndihmu me sjellë shijen e Lindjes t’Mesme n’pjatën tande me pak mund, harxh e kohë – tamam qysh e përgatisin edhe vet marokanët. E që nuk asht vështirë me e repliku shijen e tyre e dëshmojnë hapat n’vijim.
PËRBËRËSIT:
2 lugë gjelle vaj ullni
1 qepë (e grirë imët)
4 thelpinj hudhre (t’grira)
4 trupa selino (t’prera n’copëza)
1/2 lugë gjelle kurkumë e grirë (Cumin)
1 lugë gjelle shafran pluhur
1 lugë gjelle kanellë
1 lugë çaji biber i kuq
150 gr qiqra t’konservume
150 gr domate t’konservume
250 gr lulelakër (e prerë n’copa)
1.5 l gotë supë perimesh (1.5 l ujë i vluar + 2 kube vegjetariane)
1 gotë thjerrëza t’kafëta
1 gjethe dafine
HAPI 1:
N’tenxhere shto vajin e ullinit, qepën, hudhrën, selinon dhe kavërdisi perimet për 5 minuta.
Mundesh me e lexu edhe…
HAPI 2:
Shto erëzat dhe kavërdisi perimet bashk me erëza për 5 minuta duke i përzi ato vazhdimisht.
HAPI 3:
Shto thjerrëzat e kafëta, qiqrrat, copëzat e lulelakrës dhe domatet e konservume e përzije masën mirë.
HAPI 4:
Shto supën e përgatitun prej kubëzave vegjetariane bashk me gjethen e dafinës.
HAPI 5:
Zije supën për 15-20 minuta dhe servo.
REZULTATI:
Servoje supën n’pjata t’thella e sipër shtoja pak borzilok apo barishte t’freskëta dhe pak copëza buke t’rreshkun paraprakisht, ose me keksa t’njelbët. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë supën me domate, supën me speca t’kuq – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
