Nëse deri tash nuk t’ka rastisë me provu supën lebaneze t’thjerrëzave – tash asht koha ideale për me e ba nji gja t’tillë, meqë edhe moti asht duke u ftohë sot, e edhe organizmi lypë me u nxe me diçka t’shijshme.
Nji prej supave ma t’shijshme e autentike n’kuzhinën lebaneze asht edhe supa me thjerrëza dhe oriz. E lehtë me u përgatitë dhe plot vlera ushqyese kjo supë asht prej supave ma t’lehta me u përgatitë edhe nuk dështon kurrë me t’kënaqë. Mjafton me ja ba pak hyzmetin edhe për 25-30 minuta e ke gati.
PËRBËRËSIT:
2 karrota (t’prera n’kubëza)
1 qepë (e grirë imët)
300 gr thjerrëza t’kuqe
100 gr oriz
Langu i 1 limoni
1 lugë çaji kripë
1 lugë çaji biber i zi
3 lugë gjelle vaj ullini
1 lugë gjelle kurkumë (Cumin)
HAPI 1:
N’tenxhere shto vajin e ullinit dhe kavërdise qepën për 3 minuta e pastaj shto karrotën, orizin, thjerrëzat dhe erëzat dhe përziji bashk me qepët
Mundesh me e lexu edhe…
HAPI 2:
Shto ujin dhe leje masën me u zi për 20 minuta. Përzije kohë pas kohe.
HAPI 3:
Merre blenderin dhe buje masën, por, sigurohu me lanë ngapak copëza t’thjerrëzave dhe orizit që me kriju teksture
REZULTATI:
Servoje supën n’pjata e shtoji pak gjethe t’prera magdanozi sipër për ekstra shije. Shoqnoje supën me pak bukë, keksa t’njelbët apo edhe me krutonë (bukëza t’rreshkuna) për ekstra shije. Ndërkaq, pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë me përgatitë supën me karrota dhe xhenxhefil, supën me speca t’kuq – supë kjo që nuk besojmë ta kesh provu deri më tash. E edhe supa me patate t’ambël, asht prej atyre supave që s’ban me t’ikë pa e provu. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
