Kushdo që punon e din se sa e vështirë asht me ba përzgjedhje t’shnetshme për ushqim, sidomos nëse janë n’dietë apo n’rezhim ushqimor për qejf ape edhe shkaqe shëndetësore. E nji prej mënyrave ma t’mira e efektive me i parapri zgjedhjeve t’duhuna asht t’u i përgatitë shujtat e punas paraprakisht e me i marrë me vehte n’punë.
Kutia e pauzës me ve, rrush dhe gjalpë kikiriku asht sygjerimi jonë për kando që don me u ushqy mirë, shnetshëm e pa u lodhë shumë n’përgatitje t’shujtave, veçanarisht nëse janë n’dietë, por edhe t’kufizum n’kohë për përgatitje t’shujtave ma t’komplikume. E përmes këtij rekomandimi, 1 opsion ma shumë i shtohet personave t’këtyre kategorive.
PËRBËRËSIT (1 servim):
1 ve e zier (e prerë n’mes)
100 gr rrush i zi
50 gr kashkavall (i prerë n’copa)
2 lugë gjelle gjalpë kikiriku
Kripë dhe biber (Opsionale)
Fara liri (Opsionale)
2 keksa orizi (Rice crackers) – Opsionale
Mundesh me e lexu edhe…
PËRGATITJA:
Shto vezën e prer n’kutinë e pauzës. Shto rrushin, kashkavallin e prerë dhe n’kuti t’veçantë shto gjalpin e kikirikut. Po deshe, sipër copave t’vezës shto kripë, biber dhe fara liri sipas dëshirës. Vendose kutinë n’frigorifer e kurdo që untohesh nxjerre dhe haje qoftë thatë, apo edhe me keksa orizi (Rice crackers).
REZULTATI:
Ti mundesh t’njejëtën përgatitje me e ba edhe për fëmijët e me ua dhanë për shkollë, ose me përgatitë shujtën e njejtë për 2 ditë rreshtazi dhe me e rujtë n’frigorifer pa problem. Poashtu, mundesh këto shujta me i shoqnu me nga nji supë apo smoothie, që me qëndru i/e ngopun për ma gjatë. N’rast se dëshiron me përgatitë ndonji supë, përgatite supën me kungulleshë dhe parmezan, apo edhe supën virale me domate. Kurse nëse je ma tepër kah anon për smoothie, ne ta rekomandojmë smoothie-n me mango dhe ananas, apo smoothie-n me shegë.
Ngjashëm me këtë kuti pauze, ti mundesh me e përgatitë edhe kutinë e pauzës me ve dhe sos avokadoje, apo njanën prej 5 kutive t’pauzave t’cilat mundesh lehtësisht me i përgatitë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
